پارلامەنت سەناتىنىڭ دەپۋتاتى جابال ەرعاليەۆ كوكشەتاۋ قالاسىنىڭ الەۋمەتتىك-ەكونوميكالىق جاعدايىمەن تانىسىپ, شاعىن كاسىپكەرلىك جانە دەنساۋلىق ساقتاۋ نىساندارىن ارالادى, ەڭبەك ۇجىمدارىندا ەڭبەككەرلەرمەن كەزدەستى, دەپ حابارلادى سەناتتىڭ باسپاسوز قىزمەتى.
قالا اكىمى ەرمەك مارجىقپاەۆ وبلىس ورتالىعىنداعى يگىلىكتى ىستەر تۋرالى سەناتوردى حاباردار ەتتى. كوكشەتاۋ قالاسىنىڭ ەكونوميكاسى نىعايا تۇسۋدە, ونەركاسىپ ءوندىرىسىنىڭ كولەمى ۇلعايىپ, تۇرعىن ءۇي قۇرىلىسى ارتتى, حالىقتى جۇمىسپەن قامتاماسىز ەتۋ كورسەتكىشتەرى جوعارىلادى.
سەناتور «اقمولا بيداي» جشس-دە بولدى. ونىڭ باسشىسى, اۋعانستاننان قونىس اۋدارىپ كەلگەن ابدۋل حاليل نادجيبۋللا ەلباسىنىڭ وتانداستارىنا دەگەن قامقورلىعىنا وراي العىسىن ءبىلدىردى.
ج.ەرعاليەۆ سونداي-اق, «نوۆوپەك» كاسىپورنىنداعى تەحنولوگيالىق كەزەڭدەرمەن تانىستى جانە «اۆيتسەننا» ەمدەۋ ورتالىعىندا بولدى.
دەپۋتات, سونداي-اق, «نۇر وتان» پارتياسىنىڭ اقمولا وبلىستىق بولىمشەسى ۇيىمداستىرعان «باقىتتى بالالىق» جوباسى اياسىنداعى «مەكتەپكە جول» شاراسىنا دا قاتىستى. وبلىستىق جانە قالالىق ءماسليحاتتىڭ دەپۋتاتتارى ءوز قارجىلارىنان از قامتىلعان وتباسىلاردىڭ بالالارىنا ارنالعان كومەك بەردى. حالىق قالاۋلىلارى 49 وقۋشىعا 1 ميلليون تەڭگە كولەمىندە سەرتيفيكات بەردى. سەناتور ج.ەرعاليەۆتىڭ اقشالاي سەرتيفيكاتى كوكشەتاۋ قالاسىنداعى №21 ورتا مەكتەپتىڭ وقۋشىسىنا تابىس ەتىلدى.
سەناتور ساپار اياسىندا اقمولا وبلىسىنىڭ زەرەندى اۋداندىق ءماسليحاتىنىڭ كەزەكتى 38-ءشى سەسسياسىنا قاتىستى. سەسسيادا ءسوز العان ج.ەرعاليەۆ پرەزيدەنت ن.ءا.نازارباەۆتىڭ قازاقستان حالقىنا ارناعان «نۇرلى جول – بولاشاققا باستار جول» جولداۋىنىڭ تاريحي ماڭىزىنا توقتالدى.
قازىرگى دامۋ كەزەڭىندە الەم جاڭا قاتەردىڭ – جاھاندىق قارجى داعدارىسىنىڭ الدىندا تۇر, – دەدى سەناتور ءوز سوزىندە. ەلباسى ەكونوميكانىڭ كەز كەلگەن داعدارىسىنا دايىن بولۋعا, ودان قۋاتتى مەملەكەتتەر مەن بىرلىگى مەن ىنتىماعى مىقتى ەلدەر عانا شىعا الاتىندىعىن ۇدايى ەسكەرتىپ كەلەدى. بىزدە ەلىمىزدىڭ قارقىندى دامۋىنا ارنالعان ناقتى جوسپارلار مەن باعىتتار بار. سولاردىڭ ىشىندەگى ماڭىزدى باعدارلامانىڭ ءبىرى «بەس ينستيتۋتتىق رەفورمانى ىسكە اسىرۋ جونىندەگى 100 ناقتى قادام» بولىپ وتىر, دەپ اتاپ ءوتتى سەناتور.
* * *
پارلامەنت سەناتىنىڭ دەپۋتاتى, الەۋمەتتىك-مادەني دامۋ جانە عىلىم كوميتەتىنىڭ مۇشەسى سەرىك بەكتۇرعانوۆ قوستاناي وبلىستىق باسقارماسىنىڭ بىرقاتار قىزمەتكەرلەرىمەن كەزدەستى, دەپ حابارلادى پارلامەنت سەناتىنىڭ ءباسپاسوز قىزمەتى.
سەناتور ەلىمىزدىڭ الەۋمەتتىك سالاسىنىڭ دامۋ كەلەشەگى, پارلامەنت قابىلداعان زاڭدار جانە مەملەكەت باسشىسىنىڭ بەس ينستيتۋتتىق رەفورماسىن ىسكە اسىرۋ جونىندەگى جوسپارلانعان زاڭ شىعارۋ جۇمىستارى تۋرالى اڭگىمەلەدى.
كەزدەسۋلەر بارىسىندا ايماقتىڭ وزەكتى ماسەلەلەرى, اتاپ ايتقاندا, جەرگىلىكتى اتقارۋشى ورگاندار مەن سالالىق مينيسترلىكتەر اراسىنداعى ءوزارا ءىس-قيمىلى تالقىعا سالىندى.
* * *
پارلامەنت سەناتىنىڭ دەپۋتاتى جابال ەرعاليەۆ اقمولا وبلىسىنىڭ جاقسى اۋداندىق ءماسليحاتىنىڭ كەزەكتى 38-ءشى سەسسياسىنا قاتىستى, دەپ حابارلادى سەناتتىڭ ءباسپاسوز قىزمەتى.
جاقسى اۋدانىنىڭ اكىمى قانات سۇيىندىكوۆ «بيزنەستىڭ جول كارتاسى-2020» باعدارلاماسىنا سايكەس اۋداندا 918,2 ميلليون تەڭگەنىڭ ينۆەستيتسيالىق جوبالارى جۇزەگە اسىرىلىپ جاتقانىن, بۇل وتكەن جىلمەن سالىستىرعاندا 3,2 پايىزعا ارتىق ەكەنىن ايتتى. شاعىن جانە ورتا كاسىپكەرلىك دامي تۇسكەنى انىق بايقالادى.
اقمولا وبلىستىق ءبىلىم بەرۋ سالاسى قىزمەتكەرلەرىنىڭ تامىز ءماسليحاتىندا قازاق, ورىس جانە اعىلشىن تىلدەرىن تەرەڭدەتىپ وقىتۋ, بارلىق كوللەدجدەردە بىرتە-بىرتە دۋالدى وقىتۋعا كوشۋ ماسەلەلەرى كوتەرىلدى. سەناتور ش.ەرعاليەۆ وقىتۋ ساپاسىن ارتتىرۋ قاجەتتىگىنە مۇعالىمدەر نازارىن اۋداردى.
سونداي-اق, ول كەڭەس وداعىنىڭ باتىرى, اكادەميك, قوعام قايراتكەرى مالىك عابدۋلليننىڭ 100 جىلدىعىنا ارنالىپ زەرەندى اۋدانىندا وتكەن «اقىن حالىقتىڭ باتىر ۇلى» اتتى وبلىستىق مادەني كوپشىلىك ءىس-شاراعا قاتىستى.
– ەل ەرسىز بولمايدى. سول ەلدىڭ ەرى مالىك عابدۋللين بولسا, باتىردىڭ سوعىستاعى دا, بەيبىت ومىردەگى دە ءومىرى بۇگىنگى جانە كەلەر ۇرپاقتارعا ءاردايىم ونەگە بولىپ قالارى انىق, – دەدى سەناتور ج.ەرعاليەۆ ءوز سوزىندە.