ورالدا جاڭا ورتالىق اشىلدى

جاڭگىر حان اتىنداعى باتىس قا­زاق­ستان اگرارلىق-تەحنيكالىق ۋني­ۆەر­سيتەتىندە مۇناي-گاز جانە سەرۆيس­تىك تەحنولوگيالار ورتالىعى اشىلدى. شەتەلدىك كومپانيالاردا قا­زاق­­ستاندىق ۇلەستى ارتتىرۋ, ۇلتتىق مۇددەنى نىعايتۋ ءۇشىن ءوز كادر­لا­رى­­مىزدى كوبەيتۋ ماسەلەسى شىلدە­نىڭ 22-سىندە پرەمەر-مينيستر كارىم ءماسىموۆتىڭ بقو-عا جاساعان ساپا­رى بارىسىندا تالقىلانعان بولاتىن. باتىسقازاقستاندىق ۋنيۆەرسيتەتتەگى جاڭا ورتالىق تا ۇكىمەت قويىپ وتىرعان تالاپتار اياسىندا ەكەندىگى انىق ەدى. ورتالىقتىڭ اشىلۋ راسىمىندە وبلىس اكىمىنىڭ ءبىرىنشى ورىنبا­سا­رى نۇرلان نوعاەۆتىڭ اتاپ ءوت­كە­نىن­­دەي, شەتەلدىك مامانداردى ۇلت­تىق كادرلارمەن الماستىرۋ وڭاي ماسەلە ەمەس. بۇل ءۇشىن, ەڭ الدىمەن سول جاستاردىڭ ءوزى جان-جاقتى ءبى­لىم الىپ, ونى ءىس جۇزىندە پاي­دا­لا­نا ب­ىلۋى, بىلايشا ايتقاندا, ءبا­سەكەگە قابىلەتتى بولۋى ءتيىس. بۇعان وسىنداي ورتالىقتار ارقىلى قول جەتكىزۋگە بولادى.  اتالمىش ور­تا­لىق باس­شى­سى ەرلان مۇراتوۆتىڭ ايتۋىنشا, مۇندا مۇناي-گاز ما­مان­دىقتارى بويىنشا جوو تۇلەك­تە­رى جاڭا تەحنولوگيالاردى مەڭگە­رىپ, شەت تىلدەردى وقيدى. قازىردىڭ وزىندە 150 جاس ىرىكتەلىپ الىندى. بولاشاقتا قۇرىلىس مامان­دىق­­تارىن يگەرۋشىلەر دە وسىنداي مۇمكىندىككە قول جەتكىزبەك. تەمىر قۇسايىن. ورال.