پاريج “استانانىڭ” كونتادورىنا قول سوقتى

وتكەن جەكسەنبى كۇنى ايعا جۋىق ۋاقىتتان بەرى كۇللى الەم قۇلاق ءتۇرىپ, كوز تىككەن “تۋر دە فرانس” ۆەلوجارىسى ءوزىنىڭ مارەسىنە جەتتى. ءپاريجدىڭ قاق جۇرەگىندەگى ەليسەي الاڭىن بىرنەشە اينالىپ ءوتىپ بارىپ, سولىعىن باسقان سول كوپكۇندىك الامان بۇعان دەيىن ماماندار بولجاپ كەلگەن دەرەكتى انىقتالعان ايعاق رەتىندە تىركەدى دە قويدى: “استانا” كومانداسىنىڭ نامىسىن جىرتىپ جۇرگەن يسپان شاباندوزى البەرتو كونتادور جەڭىمپاز بولىپ تانىلدى! دەگەنمەن, ءبارىن رەت-رەتىمەن بايان­دايىق. ءبىز وتكەن جولى جۇما كۇنگى جورىققا يەك ارتىپ توقتاعان ەدىك. سول جازبانى ءارى قاراي ۇلاس­تى­رىپ اكەتسەك, ءوزىمىز سوندا پاي­ىم­داعانىمىزداي, بۇل كۇنى 18-ءشى كەزەڭگە قادام باسقان جۇيرىكتەر جو­رىعىندا ايتارلىقتاي جاڭالىق بولا قويعان جوق. تاۋدان تالىق­سىپ ءتۇسىپ, ەندى جازىققا بەت العان “ۇلكەن تۇزاق” اقىرىن اياڭعا كوش­تى. سول سە­بەپتى سالي-دە-بەارن مەن بوردو اراسىنداعى 198 شاقىرىم ليدەرلەر ءۇشىن تىنىعۋ بەلەسى بو­لىپ ەسەپتەلدى.  ادەتتە 52 شاقى­رىم­دىق جەكە ءجۇ­گىرىس الدىندا ەشكىم دە جازىقتاعى جارىستى جان الىپ, جان بەرىسەتىن الاشاپقىنعا اينالدىرا قوي­مايدى. بۇل جولى دا سولاي بولدى. مۇندا نە­گىزگى تار­تىس ديستانتسيا بارىسىنداعى ەكى سپرين­تەرلىك جۇگىرىستە وزىپ شى­عىپ, جاسىل جەيدەنى جەڭىپ الۋ ءتوڭى­رەگىندە ءوربىدى. ايتا كەتەيىك, وسى كەزەڭنىڭ الدىندا ونى نورۆەگ تۋر حۋشوۆد جامىلدى. ودان يتاليان الەسساندرو پەتاككي بار بولعانى 4 ۇپاي ۇتىلىپ تۇردى. ءۇشىن­شى كەلە جاتقان اعىلشىن مارك كەۆەنديشكە الدىڭعىسىنان وزۋ ءۇشىن 29 ۇپاي كەرەك بولدى. وسى جەردە بۇل ۇلى جارىستا سارى جەيدەدەن تۇستەرى بولەك جەي­دەلەر دە بار ەكەنىن ەسكە سالا كە­تەيىك. سارى جەيدە ءار كەزەڭنەن كەيىنگى باس كلاسسيفيكاتسيا بويىن­شا الدا تۇرعان شاباندوزعا بەرىل­سە, جاسىل جەيدەنى كەزەڭ ارالىق سپرينتەرلىك جارىستا كوبىرەك ۇپاي جيناعان سپورتشى كيەدى. سول سياقتى اق جەيدەنى جاسى ءار جىلعى 1 قاڭتارعا دەيىن 25-كە تولماعان جۇيرىك يەمدەنسە, قىزىل ءتۇستى بۇرشاقتارى بار اق جەيدە “تاۋ تارلانىنا” تاپسىرىلادى. سونداي مازمۇنى بار جاسىل جەي­دەنى جەڭىپ الۋ جولىنداعى سپرين­تەرلەر تالاسىن الدىمەن Sky كومانداسىنىڭ جارشىلارى قىز­دىر­دى. بىراق ولاردىڭ كوشباسىسى باسسون حاگەننىڭ ءوزى اقىرىندا مارەگە التىنشى بولىپ جەتتى. ال بارلىق نەگىزگى ارەكەت ەتۋشى قار­سىلاستار سوڭعى شاقىرىمدا عانا ىرىكتەلە باستادى. مۇندا حۋشوۆد العا ىتقىپ شىعۋعا ارەكەت ەتكەن كەزدە, ونىڭ دوڭگەلەگىنە تىستەي جا­بىس­قان مارك العا ءبىر قادام ۇزا­تىپ جىبەرمەدى. سوسىن پەتاككي كە­لەسى شەتتەن وزىپ كەتۋگە تالپىنىس جاساپ باقتى. ونىڭ سىتىلا ۇمتىلۋى جاقسى-اق ەدى, بىراق سول ءسات كەۆەنديش كەزەكتى مارتە عا­لا­مات جىلدامدىققا باسىپ, ونى دا بىردەن ارتتا قالدىردى. بۇدان كەيىن س ۇلىكتەي زاۋلاپ, العا شى­عان­داپ شىققان اعىلشىن شاباندو­زى­نىڭ ۇزەڭگىسى ماڭايىنا جاقىنداپ بارا الاتىن ەشكىم تابىلمادى. ءسويتىپ, وسى ۆەلوجارىس بارىسىندا ءتورتىنشى مارتە كەزەڭدى ۇتقان مارك كەۆەنديش پوكەر جاساۋعا قول جەتكىزدى. البەتتە, باس كلاسسيفيكاتسيادا ەشتەڭە دە وزگەرگەن جوق. ءبارى بۇ­رىنعىسىنشا قالدى. ءبىزدىڭ ال­بەر­تو كونتادور 88:09:48 كورسەتكىشىمەن وزىنەن كەيىنگى ەندي شلەكتەن باياعى 8 سەكۋندتىق ايىرىمىمەن الدا. يسپان سامۋەل سانچەس سول ءۇشىنشى ورنىندا. سوندىقتان كورەرمەن بىتكەن سەنبى كۇنى وتەتىن 19-شى كە­زەڭدى اسىعا كۇتتى. ال شاباندوز­دار­دى 52 شاقىرىمدىق قاشىقتىققا جەكە-جەكە جىبەرگەن بۇل كەزەڭ ال­بەرتو كونتادوردىڭ جالپى كلاسسي­فيكاتسيادا جەڭىسكە جەتۋىنە ءبىلدى­رىلگەن سوڭعى كۇماندى سەيىلتىپ تاس­تا­دى. بوردو مەن پوياك اراسىنا سو­زىلعان بۇل بەلەس ءۇش جۇپ ارا­سىنداعى شيەلەنىسپەن ەرەكشەلەندى. ولاردىڭ ءبىرىنشىسى, ارينە, البەر­تو كونتادور مەن ەندي شلەك ارا­سىندا ءوربىدى. بۇلاردىڭ اراسىنداعى 8 سەكۋندتىق ايىرىمدى جەڭىپ العا ءوتۋ ءۇشىن ليۋكسەمبۋرگتىك شاباندوزعا ءبىر كەرەمەت قانا كومەكتەسۋى كەرەك ەدى. ال ونداي “كەرەمەتتەر” بۇعان دەيىن شىنىندا بىرنەشە رەت بولعان ەكەن. جارىستىڭ ءبىرىنشى بولىگىندە ەندي سول ىقتيمالدىلىقتى شىن­دىق­قا اينالدىراتىنداي بولىپ, نە­گىزگى قارسىلاسىنان 5 سەكۋند العا كەتتى. بىراق سودان كەيىن البەرتو قارقىنىن بىرتىندەپ ۇدەتە وتىرىپ, ۋاقىتتى ۇتا بەردى. ول مارەگە كەلگەندە ايىرىم 31 سەكۋندقا دەيىن جەتتى.  سونىمەن, ەكى شاباندوزدىڭ ارا­سىنداعى اراقاشىقتىق 39 س­ە­كۋند بولىپ شىعا كەلدى. بۇل دەگەن ەندى البەرتو ءۇشىن شىن مانىندە  تۇبەگەيلى جەڭىستىڭ ءوزى بولماسا دا, كوزى سياقتى ەدى. سەبەبى, ليۋنجيۋمو مەن ءپاريجدىڭ اراسىندا, ودان ارى ەليسەي الاڭىنىڭ اينالاسىندا جالعاساتىن 102,5 شاقىرىمدىق سوڭ­عى 20-شى كەزەڭدە “مادريد مي­نيماليسىنىڭ” وسى ارتىقشىلىعىن قولدان سۋسىتىپ شىعارا قويۋى ەكىتالاي  بولاتىن. وسى 19-شى كەزەڭدەگى ەكىنشى شيەلەنىس ءۇشىنشى ورىن ءۇشىن شىن­داپ تالاسقان سامۋەل سانچەس پەن ورىس دەنيس مەنشوۆتىڭ اراسىندا ءوتتى. بۇعان دەيىن كەيىنگىسى 21 سەكۋند قالىپ كەلە جاتىر ەدى. كەزەڭنىڭ الدىندا وسىعان دەيىن ءۇشىنشى ور­ىن­­دى ەشكىمگە بەرمەي كەلگەن يسپان دەنيستىڭ لايىقتى قارسىلاس ەكەنىن, بىراق ءوزىنىڭ ورنىن وعان بەرە قوي­مايتىنىن مالىمدەگەن. دەگەنمەن, ماماندار بۇل تەكەتىرەستە تاپ وسى ورىس وعلانىن فاۆوريت دەپ تانىدى. بۇل جەكپە-جەكتە قارسىلاسىنان 1 مينۋت 45 سەكۋند جىلدام ۋاقىت كورسەتىپ, وق بويى وزىپ كەتكەن د.مەنشوۆ باس كلاسسيفيكاتسيادا ءۇشىنشى ورىننان ءبىر-اق تابىلدى. ال ءۇشىنشى شيەلەنىس وسى كەزەڭنىڭ ناعىز جۇيرىگىن انىقتاۋى كەرەك-ءتىن. مۇندا ءبىرىنشى ورىننىڭ يەسى باس كلاسسيفيكتسيا ليدەرلەرى ءالى سورە جولىنا شىقپاي تۇرعان كەزدە-اق بەلگىلى بولدى. وليمپيادا چەمپيو­نى شۆەيتساريالىق فابيان كانچەل­لارا تراسساعا جارىستىڭ باستاپقى شاعىندا شىققان بولاتىن. ول قاشىقتىقتى ءبىر ساعاتتاي ۋاقىتتىڭ ىشىندە دۇركىرەتىپ وتە شىقتى دا, كۇنى ۇزاق قارسىلاستارىنىڭ اياق الى­سىن باقىلاۋمەن بولدى. كەي­ىن­نەن ءبارىبىر ودان اساتىن الامانشى تابىلمادى. قۋعىندى ءتاۋىر باستا­عان نەمىستەر توني مارتين مەن بەرت گرابش ەكىنشى-ءۇشىنشى ورىن­دارعا جايعاستى. سونىمەن, جەكسەنبىنىڭ تاڭى دا كەلىپ جەتتى. بۇل البەرتو كون­تا­دوردىڭ جەڭىسىن ءبىرجولا پاش ەتىپ, قۇجات جۇزىندە نەگىزدەپ بەرگەن كۇن بولدى. كەزەڭنىڭ جەكە ءوزىن الساق, تاعى دا ەڭ سوڭىنان سىتىلىپ العا شىققان مارك كەۆەنديش جەڭىس تويىن تويلادى. ءبىر قىزىعى, كەيىنگى ورىندارعا ورنالاسقان تاعى 9 سپورتشى ونىمەن بىردەي ناتيجە كورسەتتى. ال باس كلاسسيفيكاتسيا وسىنىڭ الدىنداعى كەلبەتىنەن جاڭىلعان جوق. وسىلايشا اراداعى ەكى كۇندىك دەمالىسىن قوسا ەسەپ­تە­گەندە, 22 كۇنگە سوزىلعان ۆەلو­جا­رىستا ونىڭ بىردە-ءبىر كەزەڭىندە جەڭىسكە جەتپەگەن شاباندوز باس بايگەنى قانجىعاعا بايلادى. بۇل – وسىنىڭ الدىندا 2007, 2009 جىل­دارعى “تۋردا” شاشاسىنا شاڭ شال­­دىرماعان البەرتو كونتادور­دىڭ ءۇشىنشى جەڭىسى. دەمەك, بۇل جەڭىس – “استانا” كومانداسىنىڭ جەڭىسى. ەن­دەشە, ءبىزدىڭ دە جەڭىس!  ال كو­مان­دالىق جەڭىسكە قۇرامىندا وسى “تۋر دە فرانستى” 7 مارتە جەڭىپ العان  اتاقتى تارلان لەنس ارم­سترونگ بار اقش ەلىنىڭ “تeam ءRadىoshack” كومانداسى جەڭىپ الدى. باسى سوناۋ 1903 جىلدان باستاۋ الىپ, بيىل 97-ءشى مارتە مارەگە جە­­تىپ وتىرعان بۇل ۆەلوجارىسقا الەم­نىڭ 12 ەلىنەن 22 كوماندا قاتىستى. سەرىك ءپىرنازار. استانا.