كاسىپكەرلەرىمىزدى باسەكەگە باۋليدى
مۇرات تاعاەۆ, «ورداباسى قۇس» جشس باس ديرەكتورى. الەمدەگى بۇگىنگى داعدارىس جايىنداعى قالىپتاسقان ەكونوميكاعا قاتىستى قازاقستان ۇكىمەتىنىڭ جاڭا ەكونوميكالىق ساياسات ۇستانۋى ەرتەڭگە قارايلاتپايتىنداي مەملەكەتتىك شەشىم دەپ قابىلدايمىز. راس, حالىققا وڭاي ءتيىپ جاتقان جوق. ءتول تەڭگەمىزدىڭ دوللارعا شاققانداعى باعامىنىڭ تۇراقسىز بولۋى, سوڭعىسىنىڭ باعاسىنىڭ ارتۋى دوللارمەن نەسيە العان ازاماتتارعا وڭاي سوقپاعانى بەلگىلى. بىراق ۇلتتىق قورداعى قارجىمەن باياعىداي ۇستاپ تۇرۋدىڭ مۇمكىن ەمەستىگىن, مۇنىڭ سوڭى تاۋەلسىزدىمىزگە قاتەر, مەملەكەتىمىزدى ورعا جىعاتىندىعىن دا ويلاۋ كەرەك. وسىنداي قيىن جاعدايلارعا قاراماستان, قازاقستان ۇكىمەتى ەلباسىنىڭ تاپسىرماسىمەن حالىقتىڭ الەۋمەتتىك جاعدايىنا اسا زالال تيمەيتىندەي جۇمىستار جاساپ جاتىر. نەگىزگى تۇتىناتىن ازىق-ت ۇلىك تاۋارلارىنا ۇستەمە باعا قويۋعا شەكتەۋ قويىلۋدا. كاسىپكەرلەر دە جاعدايعا تۇسىنىستىكپەن قاراپ, قولدان كەلگەن كومەكتەرىن جاساپ جاتىر. وڭتۇستىكتەگى بازارلار قاۋىمداستىعىنىڭ پرەزيدەنتى قايرات بالابيەۆتىڭ ءوز يەلىگىندەگى بازارداعى ساۋداگەرلەردەن ءۇش ايعا دەيىن ساۋدا نۇكتەلەرىنەن اقشا الماۋعا شەشىم قابىلداعانىن وتانشىلدىققا, مەملەكەتشىلدىككە جاتقىزۋعا بولادى. قازىر ەشكىمنىڭ ءۇرىپ ءىشىپ, شايقاپ توگىپ جۇرگەن جاعدايى جوق. كاسىپكەرلەردىڭ بارلىعى دەرلىك نەسيە الىپ جۇمىس جاسايدى. ال ونىڭ قايتارىمى بار. سونىڭ ءبىرى «ورداباسى قۇس» جشس ينۆەستيتسيالىق جوباسىنىڭ جالپى قۇنى 5 ملرد. 580 ملن. تەڭگە. وسىنىڭ 18 پايىزى سەرىكتەستىكتىڭ ءوز قاراجاتى. قالعان 82 پايىزىن «قازاگرو» ۇلتتىق باسقارۋشى حولدينگى «قازاگروقارجى» اق تاراپىنان قارجىلاندىرعان. وسىعان قاراماستان, ءبىز ءوز ونىمدەرىمىزدىڭ باعاسىن كوتەرگەن جوقپىز. جاڭا ەكونوميكالىق ساياساتتىڭ كاسىپكەرلەرىمىزدىڭ باسەكەگە قابىلەتتى بولۋىن قامتاماسىز ەتىپ جاتقانىن دا ايتايىق. بۇگىنگى قيىندىقتان شىعۋدىڭ داڭعىل جولى, ءبارىمىز ءبىر كىسىدەي ەلباسىن قولدايىق. سوندا داعدارىس بۇلتى سەيىلەدى. وڭتۇستىك قازاقستان وبلىسى.جىگەرىمىز جاسىمايدى
ۇلتتىق ۆاليۋتانىڭ ەركىن ايىرباس باعامىنا جىبەرىلۋى باستاپقىدا ەل ىشىندە ءبىراز دۇربەلەڭ تۋدىرعانىمەن, ەلباسىنىڭ ەكونوميكالىق ساياساتتىڭ الداعى شارالارىن ناقتى بەلگىلەپ بەرگەننەن كەيىن احۋالدىڭ وڭ قالىپتاسقانىن اڭعارۋعا بولادى. جەرگىلىكتى جەرلەردە قۇرىلىپ, جۇمىس ىستەي باستاعان جەدەل شتابتار دا جاعدايدىڭ قالىپتى, باعانىڭ قولجەتىمدى بولۋىن تۇراقتى نازارعا العان. قازىر ادامداردىڭ قاي-قايسىسىمەن سويلەسسەڭ دە تەڭگەنىڭ ەركىن اينالىمداعى باعامىن ەنگىزۋ جونىندەگى ءماجبۇرلى شارانى تۇسىنىستىكپەن قابىل الىپ, قيىن كەزەڭنەن قيۋىن كەلتىرىپ شىعاتىنىمىزعا ۇلكەن سەنىم ارتىپ وتىرعانىن بايقاۋ قيىن ەمەس. داعدارىستى ەڭسەرە وتىرىپ, باسەكەگە قابىلەتتى دەڭگەيگە شىعۋ جولدارىن ۇكىمەت جان-جاقتى ويلاستىرارى انىق. ۇكىمەت پەن ۇلتتىق بانكتىڭ مالىمدەمەسىندە وزگە ەلدەر سەكىلدى قازاقستاننىڭ دا ەكونوميكالىق كۇردەلى جاعدايدى كەشىپ وتىرعانى اشىق ايتىلدى. ونى شەكارالاس وبلىستار ايرىقشا سەزىندى. رەسەي ءرۋبلىنىڭ قۇنسىزدانۋى سالدارىنان جەرگىلىكتى كاسىپكەرلەر تاۋارلارى مەن ونىمدەرىن وتكىزە الماي ۇلكەن شىعىن شەكتى. وعان نەگىزگى شيكىزات كوزى بولىپ تابىلاتىن مۇناي, مەتالل باعالارىنىڭ تومەندەۋى سياقتى بىرقاتار وبەكتيۆتى سەبەپتەردى سانامالاۋعا بولار ەدى. يراننان سانكتسيالار الىنعاننان كەيىن مۇنايدىڭ ءبىر باررەلىنىڭ باعاسى ودان ءارى قۇلدىراۋى مۇمكىن دەگەن بولجامدى ساراپشىلار ايتىپ وتىر. بۇل دا ءوز كەزەگىندە العا قاراي دامۋىمىزعا ءوز سالقىنىن تيگىزبەي قويمايدى. سول سەبەپتى, ەكونوميكالىق ءوسىم مەن باعا تۇراقتىلىعى اراسىنداعى تەڭگەرىمدى قامتاماسىز ەتۋ ماقساتىمەن جاڭا اقشا-نەسيە ساياساتىنا كوشۋ بىردەن-ءبىر دۇرىس شەشىم ەكەنى تالاسسىز. پرەزيدەنت ەكونوميكالىق ساياساتتىڭ الداعى شارالارى كەڭىنەن تالقىلانعان جيىندا قۇرىلىمدىق ەكونوميكالىق رەفورمالاردى جانداندىرۋ باعىتىندا جۇيەلى شەشىمدەر قابىلداۋدى تاپسىردى. ول بويىنشا جاڭا جاعدايعا بەيىمدەلگەن الەۋمەتتىك باستامالاردىڭ ەنگىزىلەتىنى ءسوزسىز. ازىق-ت ۇلىك ونىمدەرىنە باعانى نەگىزسىز كوتەرمەۋ شارالارى قولدانىلادى. ايىرباس باعامىنىڭ وزگەرۋىنەن سالىمشىلار جاپا شەكپەيدى. تۇرعىن ءۇي قۇرىلىس جيناق بانكى سالىمشىلارىنا قاتىستى دا وڭتايلى جول ويلاستىرىلادى. مىنە, مۇنىڭ ءبارى قاراپايىم حالىق ءۇشىن جاسالىپ جاتقان الەۋمەتتىك قورعاۋ تەتىكتەرى بولىپ تابىلادى. تاۋەلسىزدىك العاننان بەرى نەبىر قيىندىقتاردان سۇرىنبەي كەلە جاتقان سەبەبىمىزدىڭ باستى سىرى وعان قارسى تۇراتىن باعدارلامالاردىڭ الدىن الا, تىڭعىلىقتى ازىرلەنۋىندە بولسا كەرەك. اۋىزبىرلىكتىڭ, ىنتىماقتىڭ ارقاسىندا بۇل جولعى ءباسى بولەك داعدارىستان دا امان-ەسەن وتەرىمىز ەش كۇمان تۋدىرمايدى. اتالارىمىز «سابىرلى جەتەر مۇراتقا, سابىرسىز قالار ۇياتقا», دەپ تەككە ايتپاسا كەرەك. وسىندايدا پرەزيدەنتىمىزدىڭ: «اسىقساق تا اپتىقپايىق», دەگەن دانالىق ءسوزى ويعا ورالادى. شۇكىرشىلىك, قازىر جاعدايىمىز ەشكىمنەن كەم ەمەس. ۋاقىتشا قيىندىقتار جىگەرىمىزدى جاسىتپايتىنىنا, كەرىسىنشە, باسەكەلەستىككە شىڭداپ, تىعىرىقتان شىعۋعا مۇمكىندىك بەرەرىنە سەنىم مول. باقىتجان ساميەۆا, سولتۇستىك قازاقستان وبلىستىق ىسكەر ايەلدەر قاۋىمداستىعىنىڭ ءتورايىمى. پەتروپاۆل.