جاڭا اقشا-نەسيە ساياساتى جايىنداعى اڭگىمە كەشە پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن كەزەكتى ءباسپاسوز ءماسليحاتىندا جالعاسىن تاپتى. بۇل جولعى بريفينگكە ۇلتتىق بانك وكىلدەرى قاتىسىپ, تەڭگە باعامىنىڭ وزگەرۋىنە وراي بانك تاراپىنان قولعا الىنعان شارالاردى تىلگە تيەك ەتتى.
«20 تامىزدان باستاپ ۇلتتىق بانك جاڭا اقشا-نەسيە ساياساتىن قولعا الدى. جاڭا نەسيە ساياساتىنىڭ, ياعني, ينفلياتسيالىق تارگەتتەۋدiڭ ءمانi – ينفلياتسيانى كوزدەۋ ساياساتىنا كوشۋ. ينفلياتسيانى كوزدەۋ ساياساتىنا كوشۋ بارىسىندا تەڭگە باعامىن بوس جiبەردiك. تەڭگە باعامى العاشقى كۇندەردەن باستاپ بiر دوللار ءۇشiن 255-258 تەڭگە, قازiر 239-241 تەڭگە ارالاعىندا تۇر. ينفلياتسيانى كوزدەۋ ساياساتىنىڭ نەگiزگi ءمانi – 2020 جىلعا دەيiن باعانى تۇراقتاندىرۋ. باعانى تۇراقتاندىرىپ, قىمباتتاۋعا جول بەرمەۋ ءۇشiن 2020 جىلعا دەيiن جىلدىق ينفلياتسيانى 3-4 پايىزعا دەيiن ءتۇسiرۋدi كوزدەپ وتىرمىز», دەدi ءباسپاسوز ءماسليحاتىندا ۇلتتىق بانكتىڭ مەملەكەتتiك ورگاندارمەن جۇمىستى ۇيلەستiرۋ جونiندەگi دەپارتامەنتى ديرەكتورى باقىتجان سارەەۆ.
تەڭگە باعامى وزگەرگەننەن بەرى ۆاليۋتا ايىرباستاۋ پۋنكتتەرىندە ءبىرشاما قاربالاس بەلەڭ الا باستاعان ەدى. مۇنداي ساتتە اركىم ءوز بەتىنشە «اقشا جاساپ» قالعىسى كەلەتىنى انىق. الايدا, مەملەكەتتىك ورگاندار ونداي كەلەڭسىزدىكتەرگە جول بەرگىسى جوق. ماسەلەن, ەلوردادا ۆاليۋتا ايىرباستاۋ وپەراتسياسىنىڭ ءتارتiبiن بۇزعاندار قاتاڭ باقىلاۋدا تۇر. بۇل تۋرالى ۇلتتىق بانكتىڭ استانا قالاسى بويىنشا ورتالىق فيليالىنىڭ ديرەكتورى عازيز شەگەنوۆ ءمالiم ەتتi. «تەڭگەنiڭ ەركiن اينالىمى ەنگiزiلگەن سوڭ, ۇلتتىق بانك ۆاليۋتا ايىرباستاۋ پۋنكتتەرiنiڭ جۇمىسىن قاداعالاۋدى كۇشەيتتi. استانا قالاسى بويىنشا مالiمەت بەرەتiن بولسام, بiز ۆاليۋتا ايىرباستاۋ وپەراتسياسىنىڭ ءتارتiبiن بۇزعان 7 ايىرباستاۋ پۋنكتiن انىقتادىق. وسى 7 فاكتiگە قاتىستى ءۇش ايىرباستاۋ پۋنكتiنە جازباشا تۇردە ەسكەرتۋ جاريالانسا, ەكi فاكتى بويىنشا تالاپتى ورىنداۋ مiندەتi بەكiتiلدi, ال بiر بانكتiڭ فيليالىنا قاتىستى اكiمشiلiك قۇقىق بۇزۋشىلىق تۋرالى حاتتاما تولتىرىلدى. ول فيليال دوللار مەن ەۋرونىڭ كۋرسىنا قاتىستى باعانى قىمباتتاتىپ ساتقان», دەپ ءتۇسiندiردi ع.شەگەنوۆ. ول سونداي-اق, ورايى كەلگەن ءساتتi پايدالانىپ, ۆاليۋتا ايىرباستاۋ پۋنكتتەرiنە قاتىستى ۇلتتىق بانكتiڭ قۇقىقتارى مەن قۇزىرىن قايتالاپ ءوتتi. ياعني, ۆاليۋتا باعامىن رەتتەمەسە دە, ۆاليۋتا ايىرباستاۋ پۋنكتتەرىنىڭ قىزمەتىن رەتتەۋگە قۇقىلى ەكەندىكتەرىن ەسكە سالدى. «ۇلتتىق بانكتەن ۆاليۋتا ايىرباستاۋعا رۇقسات الىپ, ليتسەنزيا يەلەنگەن ۇيىمدارعا قاتىستى ورىنداپ جاتقان مiندەتتەرi تۋرالى حات سۇراتۋعا, جازباشا تۇردە ەسكەرتۋ جاريالاۋعا جانە ورىنداۋعا مiندەتتi جازباشا تۇردە ەسكەرتۋ بەرۋگە قۇقىلى. سونىمەن قاتار, ۇلتتىق بانك ۆاليۋتا ايىرباستاۋ ءتارتiبiن بۇزعان پۋنكتتەردiڭ ليتسەنزياسىن قايتارىپ الۋعا دا قاۋقارلى», دەپ ەسكەرتتi ع.شەگەنوۆ.
بريفينگ بارىسىندا سونداي-اق, قازىرگى كۇنى حالىق اراسىندا تالقىلاۋ تۋدىرعان «دەمالىس كۇندەرi دوللاردىڭ تەڭگەگە شاققانداعى قۇنى كۇرت وسەدى ەكەن» دەگەن الىپ-قاشپا اڭگىمەگە وراي دا ۇلتتىق بانك وكىلدەرى تۇسiنiكتەمە بەرiپ ءوتتى. بۇل رەتتە بانكيرلەر حالىقتى دەمالىس كۇندەرi دوللار باعاسىنا الاڭداماۋعا شاقىردى. سەبەبi, ۆاليۋتا ايىرباستاۋ پۋنكتتەرi ۆاليۋتا باعامىن تەك جۇمىس كۇندەرi جانە جۇمىس ۋاقىتى كەزiندە, ساعات كەشكi 18.00-گە دەيiن عانا بەلگiلەي الادى.
«وتكەن اپتادان باستاپ ۇلتتىق بانك بارلىق وڭiرلەرگە تيiستi قاراجاتتى جەتكiزدi. بiزدiڭ ەسەپتەۋiمiزشە, قاراجات 1,5 ايلىق مۇقتاجدىقتى وتەۋگە جەتەدi. ياعني, وڭiرلەردەگi ايىرباستاۋ پۋنكتتەرiندە دوللار بولسىن, تەڭگە بولسىن جەتكiلiكتi. سونىمەن قاتار, اقشا ايىرباستاۋ پۋنكتتەرiنە قويىلاتىن نەگiزگi تالاپ – ولار ۆاليۋتا باعامىن تەك جۇمىس كۇندەرi جانە جۇمىس ۋاقىتى كەزiندە عانا بەلگiلەۋلەرi كەرەك. ال دەمالىس كۇندەرگە ارنالعان دوللار باعامىن اپتانىڭ جۇما كۇنi بەلگiلەۋi كەرەك جانە ونى دەمالىس كۇندەرi وزگەرتە المايدى, دەپ ناقتىلادى ول. ال ۇلتتىق بانك باسقارما توراعاسىنىڭ ورىنباسارى نۇرلان قۇسايىنوۆ قىركۇيەك ايىنىڭ باسىندا دوللاردىڭ تەڭگەگە شاققانداعى باعاسى قاتتى قىمباتتاپ نەمەسە قاتتى ارزانداپ كەتەدi دەگەن بولجامنىڭ جوقتىعىن ايتتى. «قازاقستاندىقتار, مەرەكە كۇندەرiندە تەڭگەنiڭ تومەن كۋرسىن iزدەپ الاڭداماڭىزدار. قازiر 240 تەڭگەدەن ءسال قىمبات كۋرس بiر اپتا بويى تۇراقتى جانە بولجامدى كۋرس بولماق. قىركۇيەك ايىنىڭ باسىندا تەڭگەنiڭ دوللارعا شاققانداعى كۋرسى نە تىم قىمباتتاپ, نە تىم ارزانداپ كەتپەيدi», دەدi ن.قۇسايىنوۆ.
تەڭگە باعامىنىڭ تومەندەۋىنە وراي حالىق كوڭىلىن كۇپتى ەتكەن تاعى ءبىر ماسەلە تەڭگەمەن ساقتاعان دەپوزيتتەر جايى بولاتىن. وسىعان وراي, جۋرناليستەر قويعان سۇراققا قاتىستى ۇلتتىق بانك وكىلدەرى تەڭگەمەن اشقان دەپوزيتتەردiڭ شىعىنىن وتەۋ باعدارلاماسى الداعى قىركۇيەكتە بەكiتiلەتىنىن جەتكىزدى. بۇل تۋرالى بريفينگتە ۇلتتىق بانكتiڭ قارجىلىق قىزمەتتi تۇتىنۋشىلار قۇقىعىن قورعاۋ جونiندەگi دەپارتامەنت ديرەكتورى الەكساندر تەرەنتەۆ ايتىپ بەردى. «مەملەكەت باسشىسى تەڭگەنiڭ ەركiن اينالىمعا تۇسۋiنە بايلانىستى دەپوزيتتەرi تەڭگەمەن اشىلعان حالىققا شىعىندارىن وتەپ بەرۋ تۋرالى تاپسىرما بەرگەن. پرەزيدەنتتiڭ تاپسىرماسىنا سايكەس, 1 ميلليونعا دەيىنگى بارلىق تەڭگەلىك دەپوزيتتەرگە وتەماقى جۇرگىزىلەدى», دەدى ا.تەرەنتەۆ.
دينارا بىتىكوۆا,
«ەگەمەن قازاقستان».