پاراسات پەن پارىز

قوعامدا قايىرىمدىلىق قاعيداسىن ناسيحاتتاۋ نيەتىمەن جىل سايى­ن تاپسىرىلاتىن ۇلتتىق «التىن جۇرەك» سىيلىعى بيىل توعىزىنشى مارتە ۇيىمداستىرىلىپ وتىر. وسى ورايدا جوبانى ۇيىمداستىرۋشىلار الماتىداعى قازاقستان ءباسپاسوز كلۋبىندا جۋرناليستەرمەن كەزدەستى. – «التىن جۇرەك» سىي­لىعىن تاپسىرۋدى العاش قولعا العان كەزىمىزدە ەلىمىز بويىنشا 90 ادامنان عانا ءوتىنىش تۇسكەن ەدى. بىلتىر سىيلىققا ۇسىنۋشىلار سانى 200-گە جەتسە, بيىل بىزگە 10 كۇننىڭ ىشىندە ۇسىنىلعان ءۇمىت­كەرلەر سانى 100-دەن اسىپ وتىر. ءبىزدىڭ قوعامدا شىرىگەن بايلار ەمەس, قاراپايىم ادامدار قايى­رىمدىلىقپەن تۇراقتى تۇردە اينالىساتىندىعىن دا بىزدەگى كورسەتكىشتەن باي­قاۋعا بولادى, – دەيدى «باۋىرجان» قايىرىم­دىلىق قورىنىڭ پرەزيدەنتى جۇلدىز وماربەكوۆا. «التىن جۇرەك» ۇلتتىق قو­عام­دىق سىيلىعى 2007 جىلى مەتسەناتتىق جانە قايىرىمدىلىق يدەيا­لارىن ناسيحاتتاۋ ماق­ساتىندا «باۋىرجان» قايى­رىمدىلىق قورىنىڭ باستاماسىمەن تاعايىن­دال­عان بولاتىن. وسى ۋاقىت ارالى­عىندا ەلىمىزدە سان مىڭداعان قايىرىمدىلىق ىستەر اتقارىلىپ, قوعامدا باۋىرمالدىق پەن يگى شارالار اتقارۋ نيەتى ەداۋىر ارتتى. اتالمىش سىيلىق تاپسىرىلا باستاعان كەزدەن بەرى 100-دەن اسا مەكتەپ, 300 سپورت جانە ويىن الاڭدارى, 70 بالالار باقشاسى بوي كوتەرىپ, ون مىڭداي ادامنىڭ ءومىرى قۇتقارىلدى. «التىن جۇرەك» ۇلت­تىق-قوعامدىق قايى­رىمدىلىق سىي­لىعى «جە­تىم بالالارعا كورسەتكەن قامقورلىعى ءۇشىن», «ءبى­لىمگە قولداۋ كورسەتكەنى ءۇشىن», «مۇگەدەك جاندارعا كورسەتكەن قامقورلىعى ءۇشىن», «اقپاراتتىق قول­داۋشى», «قازاقستاننىڭ وركەندەۋىنە قوسقان ۇلەسى ءۇشىن», «جىل مەتسەناتى» سەكىلدى 11 نوميناتسيادان تۇرادى. بيىلعى جوباعا ءوتىنىش قابىلداۋ ۋاقىتى تامىز ايىنىڭ باسىنان قىركۇيەك ايىنا دەيىن جۇرگىزىلىپ, سىيلىقتاردى سالتاناتتى تۇردە تاپسىرۋ ءراسىمى قازان ايىندا الماتى قالاسىندا وتەدى. قانات ەسكەندىر, «ەگەمەن قازاقستان». الماتى.