ەلباسى نۇرسۇلتان نازارباەۆتىڭ ارنايى وكىلى رەتىندەگى ساپارى اياسىندا پارلامەنت ءماجىلىسى توراعاسىنىڭ ورىنباسارى سەرگەي دياچەنكو چەرنوگوريادا وسى ەل پرەزيدەنتى فيليپپ ۆۋيانوۆيچپەن, پارلامەنتتىڭ ۆيتسە-پرەزيدەنتى Cۋلو مۋستافيچپەن كەزدەستى, دەپ حابارلادى ءماجىلىستىڭ ءباسپاسوز قىزمەتى.
چەرنوگوريا پرەزيدەنتىمەن كەزدەسۋ بارىسىندا سەرگەي دياچەنكو قازاقستان رەسپۋبليكاسى پرەزيدەنتىنىڭ اتىنان فيليپپ ۆۋيانوۆيچكە جانە چەرنوگوريا حالقىنا ىزگى تىلەگىن جەتكىزدى. ارنايى وكىل اتالعان مەملەكەت قازاقستاننىڭ وسى ايماقتاعى جاقىن ءارى ماڭىزدى ءارىپتەسى ەكەنىن العا تارتا كەلىپ, ەكى ەل اراسىنداعى ءارىپتەستىكتىڭ ءوزارا ءتۇسىنىستىك پەن سەنىم دەڭگەيىندە قانات جايىپ كەلە جاتقانىن اتاپ ءوتتى.
سونداي-اق, الەۋمەتتىك-ەكونوميكالىق, ساياسي سالالاردا ءجۇرگىزىلگەن رەفورمالاردىڭ ءناتيجەسىندە قول جەتكىزىلگەن تابىستار جايىندا حاباردار ەتىپ, قازاقستاننىڭ ىسكەرلىك جانە كليماتتىق دەڭگەي بويىنشا 200 مەملەكەت ىشىندە 50-ورىن يەلەنگەنىن, ءبىزدىڭ ەلىمىزدىڭ ەۋروپادان, امەريكادان, ازيادان ورتالىق ازياعا تارتىلعان بارلىق ينۆەستيتسيانىڭ 80 پايىزدان استامىن جيناقتاپ, ول 200 ملرد. اقش دوللارىن قۇراعانىن اتاپ ءوتتى.
جاھاندىق ماسەلەلەردى ءسوز ەتكەندە س. دياچەنكو قازاقستاننىڭ ەقىۇ شىۇ, ۇقشۇ, بۇۇ سىندى حالىقارالىق ۇيىمدار اياسىندا ءدىني جانە ترانسكونتينەنتالدىق قاۋىپسىزدىكتى نىعايتۋداعى ءرولى مەن ۇلەسىنە توقتالدى. سونىڭ ءىشىندە, اۋعانستانداعى جاعدايدى تۇراقتاندىرۋعا قاتىستى كورسەتىلگەن كومەك, باتىس افريكادا بۇۇ ءبىتىمگەرلىك ميسسياسىنا قاتىسۋ, يادرولىق قارۋدان باس تارتۋ مەن سەمەي پوليگونىن جابۋ ماسەلەلەرىنە باسا نازار اۋدارىلدى.
اڭگىمە بارىسىندا قازاقستان پرەزيدەنتىنىڭ ارنايى وكىلى 2017-2018 جىلدارعا بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە قازاقستان كانديداتۋراسىن قولداۋ تۋرالى ءوتىنىشىن جەتكىزە كەلىپ, ف.ۆۋيانوۆيچكە ەلباسى نۇرسۇلتان نازارباەۆتىڭ جەكە جولداۋىن سالتاناتتى تۇردە تابىس ەتتى.
ءوز كەزەگىندە چەرنوگوريا پرەزيدەنتى العىسىن بىلدىرە كەلىپ, قازاقستان باسشىسى مەن حالقىنا ءوزىنىڭ يگى تىلەگىن جولدادى. سونداي-اق, قازاقستان كانديداتۋراسىن قولدايتىنىن ايتا وتىرىپ, ەلباسى باستاماسىمەن قولعا الىنىپ جاتقان ماڭىزدى باستامالارعا, سونىڭ ىشىندە «نۇرلى جول» جاڭا ەكونوميكالىق ساياساتىنا, «ەكسپو-2017» حالىقارالىق كورمەسىن وتكىزۋگە قاتىستى قادامدارعا جوعارى باعا بەردى.
سونداي-اق, ەل باسشىسى ەكىجاقتى قارىم-قاتىناستى ودان ءارى نىعايتۋعا ىنتالى ەكەنىن, وسى رەتتە ەنەرگەتيكا, تاۋ-كەن ءوندىرىسىندە, تۋريزم-ساۋدا سالالارىندا بەلسەندىلىكتى ارتتىرۋ كەرەكتىگىن ايتتى. سونىمەن قاتار, B2B ءپىشىمىندە ىسكەرلىك بايلانىستاردى كەڭەيتۋ, قۇقىقتىق بازانى نىعايتۋ, پارلامەنتارالىق ءوزارا ءىس-قيمىل جەلىسى بويىنشا ىنتىماقتاستىق توبىن قۇرۋ ماسەلەلەرى ءسوز بولدى.
چەرنوگوريا پارلامەنتى ەكىجاقتى جانە كوپجاقتى ىنتىماقتاستىقتى دامىتۋعا ىقپال ەتۋگە دايىن ەكەندىكتەرىن جەتكىزە كەلىپ, پارلامەنتارالىق بايلانىستى نىعايتۋ ماقساتىندا كەلەسى كەزدەسۋدى استانادا وتكىزۋ تۋرالى, ال, چەرنوگوريا پرەزيدەنتى وسى ەل پرەمەر-ءمينيسترىنىڭ استاناعا ساپار جاساۋ مۇمكىندىگىن قاراستىرۋ جونىندە ۇسىنىس جاسادى.