پارلامەنت سەناتى قارجى جانە بيۋدجەت كوميتەتىنىڭ توراعاسى راشيت احمەتوۆ باستاعان كوميتەت مۇشەلەرى سالىق سالۋ جانە كەدەندىك اكىمشىلەندىرۋ ماسەلەلەرى بويىنشا قارجى مينيسترلىگى مەملەكەتتىك كىرىس كوميتەتىنىڭ توراعاسىمەن كەزدەستى, دەپ حابارلادى سەناتتىڭ ءباسپاسوز قىزمەتى.
سالىق سالۋ جانە كەدەندىك اكىمشىلەندىرۋ جونىندەگى پرەزيدەنت نۇرسۇلتان نازارباەۆ العا قويعان مىندەتتەر اياسىندا تالقىلاۋدىڭ ماڭىزدىلىعىن ايتقان ر.احمەتوۆ سالىق سالۋ جانە كەدەندىك اكىمشىلەندىرۋ ءىسى مەملەكەتتىك كىرىس ورگاندارى جۇزەگە اسىراتىن ۇيىمداستىرۋ-قۇقىقتىق جانە باسقا دا ءىس-قيمىل مەن شارالارىنىڭ جيىنتىعى ەكەنىن اتاپ كەتتى.
سەناتور مەملەكەتتىڭ حالىقپەن جانە بيزنەسپەن ءوزارا ءىس-قيمىلى جۇزەگە اسىرىلاتىن ەڭ ايقىن الەۋمەتتىك سالا ەكەنىن ايتا كەلىپ, بەلگىلى ءبىر جەتىسپەۋشىلىكتەر مەن ولقىلىقتار سالىق تۇسىمدەرىنىڭ, كەدەندىك جانە بيۋدجەتكە تولەنەتىن باسقا دا مىندەتتى تولەمدەردىڭ ازايۋىنا, سالىق جانە كەدەندىك قۇقىق بۇزۋشىلىقتاردىڭ ۇلعايۋىنا, سولاردىڭ سالدارىنان ەلىمىزدىڭ ەكونوميكاسىنا تەرىس اسەرىن تيگىزۋى مۇمكىن ەكەنىن اتاپ ءوتتى.
كەزدەسۋدە مەملەكەتتىك كىرىس كوميتەتىنىڭ توراعاسى داۋلەت ەرعوجين ءسوز سويلەپ, كوميتەتتىڭ 2014 جىلعى قىزمەتىنىڭ نەگىزگى قورىتىندىلارى جانە بيىلعى جىلعا جوسپارى تۋرالى حاباردار ەتتى.
كەزدەسۋ قورىتىندىسىندا د.ەرعوجين اكىمشىلەندىرۋدىڭ بيزنەسكە اۋىرتپالىقتارىن ازايتۋ, سالىق اكىمشىلەندىرۋى, سالىق تولەۋدەن جالتارۋعا قارسى حالىقارالىق تاجىريبەنى ەلىمىزدە قولدانۋ, وففشورعا شىعارىلعان اقشا قارجىسىن انىقتاۋ شارالارى, كولەڭكەلى اينالىمدى بولدىرماۋ, كەدەن وداعى اياسىنداعى قۇقىقتىق اكىمشىلەندىرۋ, سالىق سالۋ قىزمەتىن جەتىلدىرۋ, كامەرالىق باقىلاۋ