پارلامەنت سەناتى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ توراعاسى يكرام ادىربەكوۆ ليتۆانىڭ قازاقستانداعى توتەنشە جانە وكىلەتتى ەلشىسى ۆيتاۋتاس ناۋدۋجاستى ونىڭ ءوتىنىشى بويىنشا قابىلدادى.
كەزدەسۋدە قازاقستان-ليتۆا ىنتىماقتاستىعىنىڭ ماسەلەلەرى, ونىڭ ىشىندە ليتۆا پرەمەر-ءمينيسترى الگيرداس بۋتكياۆيچيۋستىڭ 2015 جىلعى مامىردا جاسايتىن قازاقستانعا ساپارىنا ازىرلىك بارىسى تالقىلاندى.
سەناتور ەكىجاقتى قاتىناستارعا جاڭا سەرپىن بەرەتىن جانە قازاقستان مەن ليتۆانىڭ قۇقىقتىق كەلىسىم بازاسىن ۇلعايتاتىن وسى ساپاردىڭ ماڭىزىن اتاپ ءوتتى.
قازاقستان مەن ليتۆا اراسىنداعى تاۋار اينالىمىنىڭ قارقىندى وسۋىنە نازار اۋدارا وتىرىپ, ەلشى ساۋدا-ەكونوميكالىق قاتىناستاردى ودان ءارى دامىتۋدىڭ زور الەۋەتىن اتاپ ءوتتى. ول ءۇشىن ەكى ءتيىمدى قۇرال – ساۋدا-ەكونوميكالىق جانە عىلىمي-تەحنيكالىق ىنتىماقتاستىق جونىندەگى ۇكىمەتارالىق كوميسسيا مەن ىنتىماقتاستىق جونىندەگى ىسكەرلەر كەڭەسى قۇرىلعان بولاتىن, دەپ حابارلادى پارلامەنت سەناتىنىڭ ءباسپاسوز قىزمەتى.