الەۋمەتتىك تۇساۋكەسەر

ەلىمىزدە العاشقى الەۋمەتتىك جارناما اللەياسى اشىلدى “جارناما” دەگەن تەرميندى تەك كوممەرتسيامەن, بولماسا ساۋدا-ساتتىقتى جۇرگىزۋمەن عانا بايلانىستىرۋعا بولمايتىندىعىن بۇگىندە الەۋمەت جاقسى بىلەدى. كەز كەلگەن ماسەلەنى ەسكە سالۋدا, ناسيحاتتاۋ مەن شەشىمىن تارقاتۋدا الەۋمەتتىك جارنامالار ءوزىن-ءوزى سەنىمدى اقتاعان. باتىس ەلدەرىندە ول ءجۇز جىلدان استام ۋاقىت بويى الەۋمەتتىڭ امبەباپ انىقتاۋشى قۇرالىنا اينالىپ, قوعامنىڭ الەۋمەتتىك تۇيتكىلدەرىن تۇزەتۋگە قىزمەت ەتىپ كەلەدى. وسىنداي جارنامالار ارقىلى  ادامزاتتىڭ نازارىن وزەكتى ماسە­لە­لەرگە اۋدارىپ, ۇكىمەتتىك ەمەس سەك­تور­دىڭ قىزمەتى تۋرالى اقپاراتتار الىپ, كوكەيكەستى ماسەلەلەردى شە­شۋگە جانە  ۇزاق مەرزىمدى كەلە­شەك­كە جاڭا الەۋمەتتىك قۇندىلىقتار قۇ­رۋعا بولاتىنى باياعىدا انىق­تالعان. قازىردىڭ وزىندە ەلىمىزدە الەۋ­مەت­تىك جارنامالاردىڭ ۇزدىك ۇلگى­لەرىن بايقاۋعا بولادى. ال ونىڭ تاماشا وزىندىك الاڭىن قۇرۋعا ءۇل­كەن مۇمكىندىكتەر بار. ماسەلەن, وسىنداي قولايلى جەر الماتىداعى “ستوليچنىي” سۋپەرماركەتى جانىن­دا­عى جابىق پرومەناد-ايماق بولىپ وتىر. وسىلايشا, ەلىمىزدەگى ەڭ ءبىرىن­شى الەۋمەتتىك جارنامالار اللەياسى اشىلدى. – الماتىلىقتارعا بەلگىلى سۋپەر­ماركەت جانىنان ءوتىپ بارا جا­تىپ بىزگە ءدال وسى جەردە الەۋمەتتىك جارنامالار ورنالاستىرۋ تۋرالى وي كەلدى. يدەيانى قالا­دا­عى المالى اۋدانىنىڭ اكىمدىگى قولدادى. جو­بانى ىسكە اسىرۋ, كەرەك دەرەكتەردى ناسيحاتتاۋ ۇەۇ, بيزنەس پەن بي­لىك­تىڭ باسىن قوسا الا­تىن ازاماتتىق اليانس ۇلگىسىنە اينالا الادى, – دەيدى قا­زاقستان جاستارى مەديا ودا­عىنىڭ  ديرەكتورى سۆەتلانا گاليەۆا. – جوبانى ىسكە اسىرۋ بارى­سىن­دا  قازىرگى قوعامدى الاڭداتقان ءما­سە­لەلەرگە كوڭىل بولىنەتىن بو­لا­دى. قازىرگى تاڭدا ەلىمىزدە الەۋ­مەت­تىك جار­نامالار  لايىقتى با­عالانادى ءارى وعان سۇرانىس تا بار. جانە ول جارنامالىق كەڭىستىكتە ءبىرىنشى كەزەككە شىعىپ, كوممۋ­نيكاتسيانىڭ جەكە تۇرىنە اينالا الادى. سون­دىقتان دا الەۋمەتتىك جارناما مەن الەۋمەتتىك PR قا­زىرگى قوعامدى ىزگى­لەندىرۋ مەن نا­عىز ادامي قۇن­دى­لىقتاردى قالىپ­تاستىرۋدىڭ قۇرا­لىنا اينالا الادى, – دەيدى وسى باستامانى قوستاعان الماتى قالا­سىنداعى المالى اۋدانىنىڭ اكىمى مارات پىرىنبەكوۆ. وسىلايشا قالاداعى جەلتوقسان داڭعىلى مەن قابانباي باتىر كو­شە­سى تۇيىسەتىن تۇستاعى ۇلكەن دۇكەن الاڭىندا قازاقستانداعى تۇڭعىش الەۋمەتتىك جارنامالار اللەياسى تۇساۋىن كەستى. العاشقى كورمە جۋىر­دا عانا تۋعان كۇنىن تويلاعان ەلوردا قۇرمەتىنە “استانادان شىن جۇرەك­تەن” دەپ اتالدى. گالەرەيادا بەلگىلى ءفوتوتىلشى اندرەي پيلي­پەن­كو­نىڭ مەرەكەنىڭ جارقىن ساتتەرىن بەينە­لەيتىن ۇلكەن فورماتتاعى پوس­تەر­لەرى مەن ەكولوگياعا, دەنساۋلىق ساقتاۋعا, الماتىنىڭ تاريحىنا ار­نالعان تاقىرىپتىق كورمەلەرى ساپ تۇزەدى. ايناش ەسالي, الماتى.