“قاراعاندى – قىزىلوردا – قاراعاندى” اۋە قاتىناسى بويىنشا فرانتسيالىق ء“Asىa ءWىngs” (“ازيا ۆيزانگ”) اۆياكومپانياسىنىڭ اتR-42-300 ۇشاقتارى قاتىناي باستادى. اتالمىش كومپانيا قر كولىك جانە كوممۋنيكاتسيا مينيسترلىگى ازاماتتىق اۆياتسيا كوميتەتىنىڭ اۋە قاتىناسى بويىنشا وتكىزىلگەن كونكۋرس قورىتىندىسىندا وسى جانە باسقا دا بىرقاتار باعىتتاردا جەڭىمپاز دەپ تانىلعان.
“قورقىت اتا” اۋەجايى” اق ديرەكتورى قايدار نۇرلىباەۆتىڭ ايتۋىنشا, كولىك جانە كوممۋنيكاتسيا مينيسترلىگىنىڭ نۇسقاۋىنا ءسايكەس قازاقستان اۆياتسياسى ءۇستىمىزدەگى جىلدىڭ سوڭىنا دەيىن كەڭەستىك اۋە كەمەلەرىنەن ارىلىپ, شەتەلدىك ۇشاقتار قىزمەتىن پايدالانا باستادى.
ءتۋربوۆينتتى اتR-42-300 اۋە كەمەسى ەۋرووداقتىڭ بىرىككەن اۆياتسيا اكىمشىلىگىنىڭ (ەاSا) بۇگىنگى قويىپ وتىرعان تالاپتارىنا تولىعىمەن جاۋاپ بەرەدى. ونىڭ ۇشار كەزدەگى ەڭ جوعارى سالماعى 16,9 توننا بولسا, جىلدامدىعى ساعاتىنا 470 شاقىرىمعا تەڭ. بورتىنا 46-48 جولاۋشى سىيعىزاتىن ۇشاق 7200 مەتر بيىكتىككە سامعايدى. بۇل مالىمەتتەر تۋرالى ايتقان ء“Asىa ءWىngs” اۆياكومپانياسىنىڭ وكىلى ۆلاديمير نوسوچەۆ ۇشاقتار بولگارلىق “Hemus ءAىr” اۆياكومپانياسىنان جالعا الىنعانىن جەتكىزدى. ولار جولاۋشىلار ءۇشىن وتە ىڭعايلى جانە كەڭەستىك كەزەڭدەگى تەحنيكالارمەن سالىستىرعاندا ەكى ەسەدەي ۇنەمدى. ءازىرگە رەيستەردى بولگارلىق ەكيپاجدار باسقارۋدا. ايتسە دە الداعى ۋاقىتتا قازاقستاندىق ماماندار دا دايىندالاتىن بولادى. قاراعاندىعا دەيىنگى بيلەت قۇنى 12 مىڭ تەڭگە. كەنشىلەر قالاسى ارالىعىندا اۋە بايلانىسى سەيسەنبى جانە جەكسەنبى كۇندەرى جۇزەگە اسىرىلادى.
ەركىن ءابىل, قىزىلوردا.