استانا. 31 ناۋرىز. رەسەيدىڭ بەلگىلى ءانشىسى اللا پۋگاچەۆا ەگىز بالالارى – ءبىر جارىم جاسار گارري مەن ليزانى الىپ يزرايلگە دەمالۋعا كەتتى. بۇل تۋرالى dni.ru حابارلادى.
ولار جەرورتا تەڭىزىنىڭ جاعالاۋىنداعى كەيساريا قالاسىنداعى جەكە ۇيلەردىڭ بىرىنە توقتاعان. بۇل جايدى ءانشى بىلتىر كورىپ, ۇناتقان ەكەن.
ا.پۋگاچەۆا بالاعا قاراۋعا وزىمەن بىرگە كۇتۋشى ەرتىپ بارماپتى. ول گارري مەن ليزانىڭ كۇتىمىن جەكە ءوزى قاراۋدى ءجون كورگەن. ال ونىڭ جۇبايى ماكسيم گالكين قولى بوساعان كەزدە بالا-شاعاسىنا بارىپ قايتپاق. ايتپاقشى, اتاقتى ءانشى ءوزىنىڭ 15 ساۋىردە بولاتىن تۋعان كۇنىن وسى ەلدە اتاپ وتپەك. ول بيىل 66 جاسقا تولادى.
تاعى ءبىر ايتا كەتەر جايت, اللا پۋگاچەۆا بۇل ەلگە تەك دەمالۋعا عانا كەلمەگەن كورىنەدى. ول وسىندا بەلىن ەمدەتۋگە كەلەتىن 81 جاستاعى گالينا ۆولچەككە قولداۋ ءبىلدىرۋدى دە ماقسات ەتىپ وتىر. رەسەيدىڭ حالىق ءارتىسى گ.ۆولچەك بۇعان دەيىن ەۆگەني پليۋششەنكو, ستانيسلاۆ گوۆورۋحين سىندى تۇلعالارعا وتا جاساعان يليا پەكارسكيگە كورىنۋگە كەلەدى ەكەن.
جولدىباي بازار.
دەرەك, سۋرەت: dni.ru.