اتىراۋ. 30 ماۋسىم. اتىراۋداعى اپتاپ ىستىقتىڭ بەتى قايتار ەمەس. كەشە كوشەدەگى اۋا تەمپەراتۋراسىنىڭ +47 گرادۋسقا جەتكەنى تىركەلدى. بۇل تۋرالى egemen.kz ءتىلشىسى حابارلادى.
سوڭعى ءبىر اپتادان بەرى اتىراۋدىڭ كوشەلەرىندە ءجۇرۋ مۇمكىن ەمەس. ويتكەنى, اپتاپ ىستىقتىڭ لەبى كۇيدىرىپ تۇر. كوشەدەگى ىستىق +40 گرادۋستان جوعارى. وسىعان وراي توتەنشە جاعدايلار دەپارتامەنتى ەسكەرتۋ جاساپ وتىر. ماسەلەن, دۇيسەنبىدە فوتوگرافتار وبەكتيۆىنە كوشەدەگى ىستىقتىڭ اسەرىنەن تەرمومەتردىڭ سىناپ باعاناسى +47 گرادۋسقا كوتەرىلگەنى ءىلىندى. وسىنداي ىستىق بۇگىن دە ساقتالىپ, +40 گرادۋستان اسىپ تۇر.
توتەنشە جاعدايلار دەپارتامەنتىنىڭ ماماندارى شىلدەنىڭ العاشقى ون كۇندىگىندە ىستىقتىڭ ازداپ تومەندەيتىنىنە بولجام جاساپ وتىر. ناقتىلاي ايتقاندا, +34-39 گرادۋس شاماسىندا بولادى. ال ەكىنشى ونكۇندىكتە اپتاپ تاعى دا +40 گرادۋستان جوعارىلايتىنى كۇتىلۋدە.
جولداسبەك شوپەعۇل.
دەرەك: egemen.kz.
سۋرەت: راحىم قويلىباەۆ.