اقتوبە. 4 ناۋرىز. مارات وسپانوۆ اتىنداعى باتىس قازاقستان مەملەكەتتىك مەديتسينا ۋنيۆەرسيتەتىندە «ماڭگىلىك ەل – مۇراتىم» اتتى ستۋدەنتتەر اراسىندا جاس اقىندار ءمۇشايراسى وتكىزىلدى. بۇل تۋرالى egemen.kz ءتىلشىسى حابارلادى.
ادەبي شارانى وتكىزۋدىڭ ماقساتى دارىگەرلىك ماماندىققا وقىپ جاتقان ستۋدەنتتەردىڭ اراسىنداعى پوەزياعا دەن قويىپ جۇرگەن جاس اقىنداردىڭ شىعارماشىلىعىن ناسيحاتتاۋ بولىپ تابىلادى. جاس اقىندار ءمۇشايراسىن ۋنيۆەرسيتەتتىڭ الەۋمەتتىك جانە تاربيە جۇمىستارى جونىندەگى ورتالىعى مەن قازاق ءتىلى كۋرسى ماماندارى ۇيىمداستىردى.
مۇشايراعا وسى جوعارى وقۋ ورنىنىڭ 1-4 كۋرستارى اراسىنان 8 ستۋدەنت قاتىستى. بايقاۋ قورىتىندىسى بويىنشا نۇرتالاپ ايبازار ءبىرىنشى ورىندى جەڭىپ, ال ەكىنشى جانە ءۇشىنشى ورىنداردى قالجان باقىتجانوۆ پەن گۇلتۇرسىن سمايلوۆا يەلەندى. ءمۇشايرا جەڭىمپازدارىنا ۋنيۆەرسيتەت تاراپىنان باعالى سىيلىقتار تابىستالدى.
ساتىبالدى ءساۋىرباي.
دەرەك: egemen.kz.
سۋرەت: azh.kz.