تالدىقورعان. 4 ناۋرىز. تالدىقورعان قالاسىندا قازاق حاندىعىنىڭ 550 جىلدىعى, جەڭىستىڭ 70 جىلدىعى, قازاقستان حالقى اسسامبلەياسىنىڭ 20 جىلدىعى مەن كونستيتۋتسياسنىڭ 20 جىلدىعى مەرەيلى داتالارى اياسىندا 200-گە جۋىق جاس كوشەت وتىرعىزىلدى. وعان الماتى وبلىسىنىڭ اكىمى اماندىق باتالوۆ قاتىستى. بۇل تۋرالى zhetysu.gov.kz حابارلادى.
وبلىستىق «جاسىل ەل» جاساقتارى, ستۋدەنتتەر, وقۋشىلار, ءبىر توپ ارداگەرلەر قاۋىمى مەن اجەلەر جانە قالا تۇرعىندارىنىڭ اتسالىسۋىمەن «جاستار» ساياباعىنا 50 قاراعاي, 80 كوك شىرشا, 70 تيان-شان شىرشاسى وتىرعىزىلدى.
اعاش وتىرعىزۋ راسىمىندە وبلىس اكىمى اماندىق باتالوۆ ءسوز سويلەپ, كوكتەمنىڭ العاشقى كۇنىندەگى وسىنداي يگى باستامانى تۇراقتى تۇردە وتكىزىپ تۇرۋ كەرەكتىگىن ايتتى. «بۇل جەر بولاشاقتا تالدىقورعان قالاسىنىڭ ەڭ كورىكتى, دەمالۋعا ىڭعايلى جەرلەرىنىڭ ءبىرى بولادى. سونىمەن قاتار, ساياباقتان بولەك بۇل جەرلەردە 1200 ورىندىق مەكتەپ, مەيرامحانا, سالتانات سارايى دا بوي كوتەرەدى. «جاستار» ساياباعى جاستاردىڭ دەمالاتىن ورنى. وسى ءىستىڭ بارلىعى كەيىنگى ۇرپاق ءۇشىن جاسالۋدا», دەدى اماندىق باتالوۆ.
ايتا كەتەيىك, 2014 جىلى وبلىس كولەمىندە 10 مىڭعا جۋىق قىلقان جاپىراقتى اعاش كوشەتتەرى وتىرعىزىلعان. بيىلعى جىلعا دا وسىنشا اعاش وتىرعىزۋ جوسپارلانعان.
نۇربول الدىباەۆ.
دەرەك, سۋرەت: zhetysu.gov.kz.