توقسان بەستىڭ تاعىلىمدى تاريحى قالىڭ وقىرماننىڭ قولىنا ءتيدى

استاناداعى «PRINTING-HAUS» جشس-نان «باس باسىلىم» اتتى فوتوالبوم جارىق كوردى. ول وسىدان 5 اي بۇرىن 95 جىلدىعىن اتاپ وتكەن «ەگەمەن قازاقستان» گازەتىنىڭ ارعى-بەرگى تاريحىنان سىر شەرتەدى. وقىرماندار نازارىنا ۇسىنىلىپ وتىرعان بۇل شەجىرە-جيناقتا بىلايعى كۇندە بايقالماي, ءوز قازانىندا بۇرق-سارق قايناپ جاتاتىن گازەت تىرشىلىگىنىڭ قايتالانباس ساتتەرى كونە جانە جاڭا سۋرەتتەردە ءساتتى كورىنىس تاپقان. سونداي-اق, مۇندا وقىرمان كەڭىرەك مالىمەت السىن دەگەن نيەتپەن باسىلىمدى ءار كەزەڭدەردە باسقارعان باسشىلاردىڭ, قوعام قايراتكەرلەرىنىڭ, ارداگەرلەردىڭ, بۇرىنعى قىزمەتكەرلەردىڭ وي-پىكىرلەرى, ەستەلىكتەرى دە ۇسىنىلىپ وتىر. كىتاپ گازەت تاريحىنا قاتىستى سيرەك سۋرەتتەردى, دەرەكتەردى جاريالاۋىمەن دە قۇندى.