قوستاناي. 15 مامىر. قوستانايداعى «بىرلىك» ازەربايجان ەتنومادەني بىرلەستىگىنىڭ جاستار قاناتى ۇلى وتان سوعىسىنىڭ ارداگەرى, وتستاۆكاداعى پولكوۆنيك پاۆەل داتسەنكومەن كەزدەسۋ ۇيىمداستىردى. سوعىس ارداگەرى تەك مايدانداعى ەرلىك تۋرالى عانا ەمەس, بىرگە وقىعان دوسى گەيدار اليەۆ تۋرالى دا قىزىقتى ەستەلىكتەر ايتتى. بۇل تۋرالى egemen.kz ءتىلشىسى حابارلادى.
سوعىس ارداگەرى پاۆەل ۆاسيلەۆيچ سوعىستا ازەربايجان كەڭەستىك سوتسياليستىك رەسپۋبليكاسىنىڭ باس پروكۋرورى بولعان گامباي مامەدوۆپەن مايداندا بىرگە بولعان ەدى. سوعىستان كەيىنگى جىلدارى ازەربايجاننىڭ تۇڭعىش پرەزيدەنتى گەيدار اليەۆپەن بىرگە وقىدى.
«بىرلىك» ازەربايجان ەتنومادەني بىرلەستىگى جاستار قاناتىنىڭ ءتورايىمى ءزۇلفيا نيبيەۆا: «گامبوي مامەدوۆ – ستانلينگراد شايقاسى باتىرلارىنىڭ ءبىرى, ول بىلىكتى ۇيىمداستىرۋشى, روتا كومانديرى بولدى. پاۆەل داتسەنكونىڭ – ونىڭ قاندىكويلەك دوسى. ال گەيدار اليەۆپەن سوعىستان كەيىنگى جىلدارى تاشكەنتتە قارسىبارلاۋ جوعارى ۋچيليششەسىندە بىرگە وقىعان. ارداگەردىڭ ازەربايجان دوستارى تۋرالى ايتارى مول» دەدى.
بيىل مامىر ايىندا گەيدار اليەۆتىڭ تۋعانىنا 93 جىل تولىپتى. ءزۇلفيانىڭ ايتۋىنشا جىل سايىن ازەربايجاندا تۇڭعىش پرەزيدەنتتىڭ تۋعان كۇنىنە وراي گۇلدەر فەستيۆالى وتەتدى ەكەن. وسىعان وراي جانە جەڭىستىڭ 70 جىلدىعى قۇرمەتىنە «بىرلىك» ازەربايجان ەتنومادەني بىرلەستىگى قوستاناي قالاسىنداعى جاۋىنگەرلىك داڭق مۋزەيى بار №4 ورتا مەكتەپتىڭ اۋلاسىنا ەگۋ ءۇشىن 30 ءتۇپ راۋشان گ ۇلىنىڭ كوشەتىن سىيعا تارتتى.
ءنازيرا جارىمبەتوۆا.
دەرەك, سۋرەت: alau.kz