قوستانايدا دەپارتامەنت قىزمەتكەرى ۇرىنى وقيعا ۇستىندە ۇستاپ الدى

قوستاناي. 15 مامىر. قوستاناي وبلىستىق مەملەكەتتىك قىزمەت جانە سىبايلاس جەمقورلىققا قارسى ءىس-قيمىل دەپارتامەنتىنىڭ قىزمەتكەرى ءوز ۇيىنە تۇسكەن ۇرىنى وقيعا ۇستىندە ۇستاپ الدى. بۇل تۋرالى egemen.kz ءتىلشىسى حابارلادى. اتالعان دەپارتامەنتتىڭ تەرگەۋ ءبولىمىنىڭ باسشىسى ۆلاديمير فاياكيننىڭ پاتەرىن توناماقشى بولعان ۇرى پاتەر يەسىنىڭ قولىنا ءتۇستى. پاتەر كۇزەت جەلىسىمەن قامتاماسىز ەتىلگەن بولاتىن. ۇرى  پاتەردىڭ ەسىگىن بۇزباقشى بولعاندا  يەسىنە ء«سىزدىڭ ۇيگە بوتەن بىرەۋ كىرىپ جاتىر» دەگەن SMS كەلەدى. فانياكين دەرەۋ ۇيىنە جەتەدى, ول ۇرىنى كورىسىمەن «شاقىرىلماعان قوناقتى» ۇستاۋعا تىرىسادى. ۇرىنىڭ قاشىپ كەتۋگە تىرىسقان ارەكەتىنەن ەشتەڭە شىقپايدى, ول 400 مەترگە جۇگىرمەي-اق, ونى فانياكين قۋىپ جەتىپ, جەلكەسىنەن ۇستاپ الىپ كەلەدى. پوليتسياعا حابارلاپ, قارا نيەتىن جۇزەگە اسىرىپ ۇلگەرمەگەن ۇرىنى  الىپ كەتەدى. ۇرى 1984 جىلى تۋعان, بۇرىن سوتتالعان, قوستاناي قالاسىنىڭ تۇرعىنى بولىپ شىقتى. ول وسىدان بۇرىن جەتى رەت ۇرلىق جاساعانىن دا مويىنداۋعا ءماجبۇر بولدى. قازىر ول قالادان شىقپاۋ  تۋرالى قولحاتپەن ءجۇر. ءنازيرا جارىمبەتوۆا. دەرەك, سۋرەت: ng.kz