قوستاناي. 15 مامىر. قوستاناي وبلىسىنىڭ تاران اۋدانىندا كەڭەس وداعىنىڭ باتىرى سەيتحان تەمىرباەۆقا ەسكەرتكىش ورناتىلدى. بۇل تۋرالى egemen.kz ءتىلشىسى حابارلادى.
تاران اۋدانىنىڭ تۋماسى سەيتحان تەمىرباەۆ سوعىس جىلدارى باسقارعان روتا دونباستى, ودەسسانى, بەلارۋس مەن پولشانى ازات ەتۋگە قاتىستى. وسىنداي قىرعىن ۇرىستاردان كەيىن بەرلينگە العاش جەتكەن روتانىڭ ءبىرى بولدى. بەرلين قالاسىن الۋدا كورسەتكەن ەرلىگى, قايسارلىعى ءۇشىن 23 جاستاعى كاپيتان لەنين وردەنىمەن جانە كەڭەس وداعىنىڭ باتىرىنىڭ التىن جۇلدىزىن كەۋدەسىنە تاققان بولاتىن. جەڭىستىڭ 70 جىلدىعى مەرەكەسىنە وراي جەرلەستەرى باتىردىڭ ەسكەرتكىشىن ورناتتى. بۇل كەيىنگى جاس ۇرپاقتىڭ پاتريوتتىق تاربيەسىنە دە قىزمەت ەتەتىن بولادى.
باتىردىڭ ءمۇسىنى اۋدان كاسىپكەرلەرى قۇرعان «پوبەدا» قورىنىڭ قارجىسىنا تۇرعىزىلدى.
كاسىپكەرلەردىڭ قوستاناي وبلىستىق ۇلتتىق پالاتاسى تاران اۋداندىق فيليالىنىڭ ديرەكتورى ناتاليا رۋدنەۆا: «رەسپۋبليكالىق «اتامەكەن» ۇلتتىق پالاتاسىنىڭ «ۇرپاقتار العىسى» جوباسىن ءبىزدىڭ اۋداننىڭ كاسىپكەرلەرى وسىلاي قولدادى», دەدى. تاران اۋدانىندا مەرەكەگە وراي جۇرگىزىلگەن جۇمىس تەك بۇل ەمەس. اۋدانداعى بۇرىن ورناتىلعان ەسكەرتكىشتەر مەن وبەليكىلدەردىڭ بارلىعى جوندەۋدەن ءوتتى جانە سوعىس ارداگەرلەرىنىڭ ۇيىنە وسى قوردىڭ ەسەبىنەن جوندەۋ جۇمىستارى جۇرگىزىلدى.
ءنازيرا جارىمبەتوۆا.
دەرەك, سۋرەت: egemen.kz