اتىنا زاتى ساي كاسىپورىن

كومپانياعا تيەسىلى ديىر­مەن كەشەنى ون بەس جىلدان بەرى ساپالى ۇن شىعارادى. شيكىزاتتى كوبىنە فەدوروۆ اۋدانىنىڭ شارۋا­شى­­لىق­تا­رىنان ساتىپ الادى. زاماناۋي ديىرمەننەن شىققان جوعارى, ءبىرىنشى سۇرىپتى ۇن تۇركياعا ەكسپورتتالادى. ال كەبەگى مال ازىعى ەسەبىندە ارزان باعامەن وزگە وڭىر­­­لەر­گە جونەلتىلەدى. كاسىپورىن كەيىنگى ءبىر جىل كولەمىندە ءوزى وندى­رە­تىن جوعارعى سۇرىپتى ۇننان ماكاروننىڭ ۇزىن, قىسقا تۇرلەرىن جاساپ شىعارا باستادى.

«كوپ جىلداردان بەرى بيداي وڭدەۋمەن اينالىسىپ كەلەمىز. بۇل سالادا مول تاجىريبە جيناقتادىق دەسەك بولادى. باستاپقى كەزەڭدە ۇن شىعارۋمەن عانا شەكتەلىپ كەلسەك, قازىر ءوزىمىزدىڭ شيكىزاتتان ماكاروننىڭ ءتۇر-ءتۇرىن شىعارىپ جاتىرمىز. ءبىزدىڭ كاسىپورىندا ۇن وڭدەۋدەن باستاپ, دايىن ماكارون ونىمدەرىنە دەيىنگى تولىق وندىرىستىك تسيكل جولعا قويىلعان. شيكىزات رەتىندە قاتتى بيدايدى عانا پايدالانامىز. ءوندىرىستىڭ تاۋلىكتىك كولەمى تاپسىرىس اۋقىمىنا بايلانىستى وزگەرىپ وتىرادى. مۇندا 15 ادام جۇمىس ىستەيدى. ەڭ الدىمەن ەڭبەك قاۋىپسىزدىگى, تازالىق تالاپتارىنا ءمان بەرىلەدى», دەيدى سەرىكتەستىك ديرەكتورى تالعات ناۋرىزباەۆ.

كومپانيا ەشبىر حيميالىق قوسپاسىز تازا ماكاروننىڭ ون شاقتى ءتۇرىن وندىرەدى. ماسەلەن, تسەحتان تاۋلىگىنە 72 توننا قىسقا كەسىلگەن ماكارون, 24 توننا سپاگەتتي شىعادى. ءونىم ىشكى, سىرتقى نارىققا بىردەي ساۋدالانادى.

كومپانيا 2021 جىلى بۇرشاق داقىلدارىن وڭدەيتىن تاعى ءبىر جەلىنى ىسكە قوسقان. 50 شاقتى ادام جۇمىس ىستەيتىن بۇل ءوندىرىس ورنىندا تاۋلىگىنە 240 توننا بۇرشاق, جاسىمىق وڭدەلەدى. ءونىمنىڭ دەنى شەتەلگە ەكسپورتتالادى.  

«دامۋ-ءوندىرىس» باعدارلاماسى ارقىلى جەڭىلدەتىلگەن نەسيە الىپ, اۋماعى 4000 شارشى مەتر بولاتىن جاڭا نىساننىڭ عيماراتىن سالىپ شىقتىق. كەيىن «ورلەۋ» باعدارلاماسى اياسىندا 12,6 پا­يىز جىلدىق سىياقىمەن 300 ملن تەڭگە نەسيە الىپ, وندىرىسكە قاجەت قۇرىلعىلاردى ساتىپ الدىق. اتالعان مەملەكەتتىك قولداۋ تە­تىگى وندىرىسكە وتە قولايلى. تسەح­تىڭ كەرەك-جاراعىن جەتكىزۋ, ورناتۋ جۇمىسىنا ءبىر جىلداي ۋاقىت كەتتى. بۇگىندە ءوندىرىس تۇراقتى جۇمىس ىستەپ جاتىر, 20 ادام ەڭبەك ەتەدى. ءوندىرىس تولىق اۆتوماتتاندىرىلعان رەجىمدە جۇمىس ىستەيدى», دەيدى كومپانيانىڭ قارجى ديرەكتورى ءاليا احمەتوۆا.

كومپانيا شيكىزاتتى جەرگىلىكتى شارۋالاردان ساتىپ الادى. ودان وڭدەپ شىعارعان دايىن ءونىمنىڭ 70–75 پايىزىن تۇركياعا جونەلتەدى. الايدا كەيىنگى جىلدارى وتاندىق نارىقتا جاسىمىققا دەگەن سۇرانىس ارتا تۇسكەن. ءاليا احمەتوۆانىڭ ايتۋىنشا, جاسىمىق بۇرشاق وزگە دە جارمالاردان الدەقايدا قۇ­نار­­لى ءارى دەنساۋلىققا پايدالى ميك­رو­مينەرالدارعا باي. ونىڭ ۇستىنە, ءپىسۋى دە تەز, ءارى كەتسە 10 مينۋت­تىڭ ىشىندە دايىن بولادى. سون­دىقتان كەيىنگى جىلدارى تۇ­تى­نۋ­شىلار تاراپىنان بۇرشاققا قارا­عاندا جاسىمىققا سۇرانىس ارتىپ كەلەدى.

ء«بىز وڭتۇستىك وڭىرلەرگە جاسىمىق جىبەرەمىز. الايدا ءونىمنىڭ كوبىن تۇركيا ساتىپ الىپ جاتىر. باستى مىندەت – ءوڭىر شارۋاشىلىقتارى ءوسىرىپ جاتقان داقىلداردى شەتەلگە شيكىزات تۇرىندە جىبەرمەي, وڭدەپ, دايىن ءونىم تۇرىندە جونەلتۋ. بۇگىندە ءبىز سياقتى كاسىپورىندارعا مەملەكەت جان-جاقتى جاعداي جاساپ, ۇلكەن قولداۋ كورسەتىپ جاتىر. پرەزيدەنت اۋىلشارۋاشىلىق ونىمدەرىن وڭدەۋ سالاسىن دامىتۋدى تاپسىرىپ وتىر. مۇنداي جاعدايدا تالاپ قىلىپ, العا ۇمتىلماۋعا بولمايدى. ءبىزدىڭ كومپانيانىڭ بۇگىنگى تىنىس-تىرشىلىگى, قول جەتكىزىپ جاتقان تابىسى  مەملەكەتتىڭ ازىق-ت ۇلىك سالاسىندا اتقارىپ جاتقان اۋقىمدى ىستەرىنىڭ تامشىداي عانا ءبىر كورىنىسى ەكەنى داۋسىز», دەيدى كاسىپورىن باسشىسى. 

قوستاناي وبلىسى