الماتى. 15 مامىر. لاس-ۆەگاس شاھارىندا اتاقتى امەريكالىق مۋزىكانت – «بليۋز پاتشاسى» بي بي كينگ (B.B. King) 89 جاسىندا دۇنيەدەن ءوتتى. بۇل تۋرالى Associated Press حابارلادى.
مۋزىكانتتىڭ ادۆوكاتى برەنت برايسوننىڭ مالىمدەۋىنشە دارىن يەسى ءوز ۇيىندە ۇيقىدان تۇرماعان. گيتارا شەبەرى سوڭعى رەت 2015 جىلدىڭ 6 ساۋىرىندە ورگانيزمىندەگى قانتىنىڭ جەدەل كوتەرىلۋىنە بايلانىستى اۋرۋحاناعا تۇسكەن. قانت ديابەتى كەسەلىمەن مۋزىكانت 20 جىلدان بەرى اۋىرادى. الايدا, ساۋىردەگى كەسەلدىڭ قوزۋى ەكى-اق كۇنگە سوزىلعان. بۇكىل الەمنىڭ مۋزىكا سۇيەر قاۋىمى بي بي كينگتى (شىن ەسىمى – Riley B. King) «گرەممي» سىيلىعىن الدەنەشە رەت يەمدەنگەن, شەبەر بليۋز ورىنداۋشى ءارى تانىمال اۆتور رەتىندە جاقسى بىلەدى. وسى ارادا ونىڭ 2006 جىلى دەنساۋلىعىنا بايلانىستى ەۋورپاعا گاستروللدىك ساپارىن توقتاتقانى دا ەسكە تۇسەدى.
ايتا كەتەيىك, امەريكالىق Rolling Stone جۋرنالى 2011جىلدىڭ قورىتىندىسى بويىنشا بي بي كينگتى دۇنيەجۇزىنىڭ ەڭ بەلگىلى 100 گيتارا ورىنداۋشىلارىنىڭ ىشىندە 6-شى قاتارعا قويعان بولاتىن.
تالعات ءسۇيىنباي.
سۋرەت, دەرەك: ار.