تاراز. 15 مامىر. جامبىل وبلىسى ىشكى ىستەر دەپارتامەنتى «ەرلىك – ەلگە مۇرا, ۇرپاققا – ۇران» اتتى بايقاۋدىڭ قورىتىندىسىن جاريالاپ, مەملەكەتتىك ءتىلدى وقىتۋ كۋرسىنا بەلسەندى تۇردە قاتىسىپ, ءىس-قاعازداردى ساۋاتتى جۇرگىزە الاتىن 38 تىڭداۋشىعا كۋالىكتەر بەرىلدى. بۇل تۋرالى egemen.kz ءتىلشىسى حابارلادى.
جيىندا ىشكى ىستەر مينيسترلىگىنىڭ مەملەكەتتىك ءتىلدى وقىتۋ باعدارلاماسى بويىنشا كۋرستى بىتىرگەن قىزمەتكەرلەرگە تىلدەردى دامىتۋ باسقارماسىنىڭ «مەملەكەتتىك تىلدەردى وقىتۋ ورتالىعىنىڭ» ديرەكتورى كۇلشات كەڭەسقىزى: «الداعى ۋاقىتتا قىزمەت بارىسىندا وسى بىلىمدەرىڭىزدى پايدالانىپ, جاقسى ناتيجە كورسەتەدى دەگەن ۇمىتتەمىز», دەپ سەنىم ارتىپ, 38 تىڭداۋشىعا كۋالىك تابىس ەتتى.
اتالمىش بايقاۋدا ىشكى ىستەر ورگاندارى قىزمەتكەرلەرىنىڭ ۇلى جەڭىسكە, مايدانعا, باتىر بابالارىمىزعا ارناپ شىعارعان ولەڭدەرى دە سىنعا ءتۇستى.
جامبىل وبلىسى ىشكى ىستەر دەپارتامەنتى باستىعىنىڭ ورىنباسارى, پوليتسيا پولكوۆنيگى مارات ومەن ۇلى: «وتكەن كۇندەردىڭ جەڭىسى – بۇگىنگىنىڭ جەمىسى ەكەنى بەلگىلى. جەڭىستىڭ 70 جىلدىعى وتان ءۇشىن وت كەشىپ, وشپەس داڭق قالدىرعان بابالاردىڭ ەرلىگى الدىندا تاعى دا باسىمىزدى يەمىز. ەلباسىنىڭ باستى ستراتەگيالارىنىڭ ءبىرى – ۇلتارالىق كەلىسىم مەن بەيبىتشىلىكتى قولداۋ. ەندەشە, مەملەكەتتىك ءتىل ءبولىمى ۇيىمداستىرىپ وتىرعان بايقاۋدىڭ باستى ماقساتتارىنىڭ ءبىرى دە وسى. ىشكى ىستەر ورگاندارى قىزمەتكەرلەرىنىڭ اراسىندا شىعارماشىل قىزمەتكەرلەردىڭ بارىن كورىپ, تەك قوعامداعى قۇقىقتىق ءتارتىپتى قامتاماسىز ەتىپ قانا قويماي, وزدەرىنىڭ تاعى ءبىر قىرىن كورسەتىپ وتىرعانىنىڭ كۋاسى بولدىق», دەي كەلە بايقاۋعا قاتىسۋشىلاردى كەشەگى جەڭىس مەرەكەسىمەن قۇتتىقتادى.
ءسويتىپ بايقاۋعا بەلسەنە قاتىسقان قاناعات رايقۇلوۆ, دارحان مىڭتاەۆ, گۇلناز ءمۇتالىپ, نازگۇل جامپوزوۆا, ماحامبەت توكتۋبۋلاتوۆ, ەڭلىك نۇرماش, جانەركە سەيدىنابيەۆا, دانيار راحىمباەۆ, جاندوس نۇسىپباەۆقا ىشكى ىستەر دەپارتامەنتى باستىعىنىڭ العىس حاتى جانە باعالى سىيلىقتار بەرىلدى.
تاراز قالاسى ىشكى ىستەر باسقارماسى باستىعىنىڭ كادر جۇمىسى بويىنشا ورىنباسارى, پوليتسيا پودپولكوۆنيگى التىنبالتا كوشەرباەۆ جانە جامبىل وبلىسى ىشكى ىستەر دەپارتامەنتى جول پوترۋلدىك پوليتسيا قىزمەتكەرى عالىم جۇماحان ۇلى «كوركەمسوز شەبەرى» نوميناتسياسىمەن ماراپاتتالدى.
ال, جامبىل وبلىسى ىشكى ىستەر دەپارتامەنتى انىقتاۋ باسقارماسىنىڭ كەڭسە جەتەكشى مامانى تولقىن شىنبولاتوۆا «جۋرناليستەر تاڭداۋى» نوميناتسياسى مەن 25 000 تەڭگەنىڭ چەگىنە يە بولدى. سونىمەن قاتار, قورداي اۋداندىق ىشكى ىستەر ءبولىمى كادر جۇمىستارى توبىنىڭ اعا ينسپەكتورى, پوليتسيا كاپيتانى وركەن راحىمجانوۆ وزىندىك اۋەنىمەن, ءسوز ايشىعىمەن ەرەكشەلەنىپ, «سازدى جىر» نوميناتسياسى مەن 25000 تەڭگەنىڭ چەگىن يەلەندى.
بۇدان بولەك, جۇلدەلى ورىندار ىشكى ىستەر دەپارتامەنتى قۇجاتتامالىق قامتاماسىز ەتۋ ءبولىمىنىڭ ءىس جۇرگىزۋ ينسپەكتورى ەلميرا اناركۋلوۆاعا, جامبىل وبلىسى ىشكى ىستەر دەپارتامەنتى اقپاراتتىق-اناليتيكالىق ورتالىعى ارنايى مەملەكەتتىك مۇراعاتى تەحنيگى, پوليتسيا كىشى سەرجانتى جازيرا مولداباەۆاعا, ىشكى ىستەر دەپارتامەنتى زاڭسىز كوشى-قونعا قارسى كۇرەس جونىندەگى ارنايى جەكە روتاسى 2-ءشى ۆزۆودىنىڭ ينسپەكتورى, پوليتسيا اعا لەيتەنانتى نۇرىم قويگەلديەۆقا بۇيىردى. وسى بايقاۋدا وزا شاۋىپ, بايقاۋدىڭ بارلىق تالاپتارى مەن شارتتارىن تولىق ورىنداپ, ءوز تۋىندىسىندا ورنەكتى وي, ۇتىمدى ۇيقاسىمەن وتانعا دەگەن سۇيىسپەنشىلىگىن شەبەر جەتكىزىپ, ەڭ ۇزدىك تانىلىپ, باس بايگەنى قانجىعاسىنا بايلاعان اقىن پوليتسەي سارىسۋ اۋدانى ىشكى ىستەر باسقارماسىنىڭ ۋچاسكەلىك پوليتسيا ينسپەكتورى, پوليتسيا اعا لەيتەنانتى ناربەكوۆ قانات مارات ۇلىنا قازىلار القاسىنىڭ توراعاسى, ىشكى ىستەر دەپارتامەنتى باستىعىنىڭ ورىنباسارى مارات ومەن ۇلى 50 000 تەڭگەنىڭ سەرتيفيكاتى مەن ديپلومى ۇسىندى.
ورالحان ءداۋىت.
دەرەك, سۋرەت: egemen.kz.