الماتى. 15 مامىر. قىتاي ەلى برازيلياعا جاڭا ينفراقۇرىلىمدىق جوباعا لايىقتاپ 50 ميلليارد دوللار ينۆەستيتسيا سالاتىن بولدى. ول قۇجاتقا قىتاي حالىق رەسپۋبليكاسى مەملەكەتتىك كەڭەسىنىڭ پرەمەرى لي كەتسياننىڭ الداعى اپتادا وسى ەلگە ساپارى كەزىندە قول قويىلادى. بۇل تۋرالى BBC News حابارلادى.
جوبادا قاراستىرىلعان قاراجاتتىڭ نەگىزى بولىگى – برازيليانىڭ اتلانت مۇحيتى جاعالاۋىنان پەرۋدىڭ تىنىق مۇحيتى جاعالاۋىنان دەيىنگى دالىزدە تەمىر جول جەلىسىن سالۋعا جۇمسالادى. مۇنىڭ ءوزى بولاشاقتا قىتاي ەكسپورتىنىڭ باعاسىن ارزانداتارى ءسوزسىز. ينۆەستيتسيالىق قاراجاتتىڭ قالعان بولىگى بولات وندىرەتىن بىرىككەن كاسىپورىن سالۋعا, اۆتوموبيل بولشەكتەرىن شىعارۋعا, ەنەرگەتيكاعا جۇمسالادى.
وسى ساپار بارىسىندا پرەمەر كەتسيان جولاي كولۋمبيا مەن پەرۋگە, چيليگە سوعىپ ايالدايدى. جىل باسىندا قحر توراعاسى سي تسزينپين لاتىن امەريكاسىنىڭ بۇل وڭىرىنە 10 جىلدىڭ ىشىندە 250 ميلليارد دوللار ينۆەستيتسيا قۇيىلاتىنى تۋرالى مالىمدەگەن ەدى.
تالعات ءسۇيىنباي.
دەرەك, سۋرەت: BBC News.