اقتوبە. 15 مامىر. اقتوبەدەگى قۇدايبەرگەن جۇبانوۆ اتىنداعى وڭىرلىك مەملەكەتتىك ۋنيۆەرسيتەتىندە 2 كۇنگە سوزىلعان «ديسكۋرس تەورياسىنىڭ وزەكتى ماسەلەلەرى» اتتى حالىقارالىق عىلىمي كونفەرەنتسيا ءوتتى. بۇل تۋرالى وبلىستىق «اقتوبە» گازەتى حابارلادى.
اتالعان تاقىرىپقا ارنالعان عىلىمي باسقوسۋ وسىمەن 4-رەت ۇيىمداستىرىلدى. بيىلعى كونفەرەنتسياعا 9 ەلدەن 100-گە جۋىق عالىم ءوز ماقالالارىن, باياندامالارىن ۇسىندى.
پلەنارلىق ماجىلىستە احمەت بايتۇرسىن ۇلى اتىنداعى ءتىل ءبىلىمى ينستيتۋتى لەكسيكولوگيا ءبولىمىنىڭ مەڭگەرۋشىسى, فيلولوگيا عىلىمدارىنىڭ دوكتورى, پروفەسسور جامال مانكەەۆا, ميحايل لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ پروفەسسورى, فيلولوگيا عىلىمدارىنىڭ دوكتورى اللا نازارەنكو, قىتايدىڭ ىلە پەداگوگيكالىق ۋنيۆەرسيتەتىنىڭ فيلولوگيا فاكۋلتەتى قازاق ءتىلى مەن ادەبيەتى كافەدراسىنىڭ دوتسەنتى ابدىحالىق وسپانقارى ۇلى, ۇندىستانداعى دجاممۋ ۋنيۆەرسيتەتىنىڭ پروفەسسورى سينگح مانحاس پاريكشات جانە تاعى باسقا عالىمدار تۇششىمدى دا تۇجىرىمدى باياندامالارىن وقىدى.
ساتىبالدى ءساۋىرباي.
دەرەك, سۋرەت: «اقتوبە» گازەتى.