بۇۇ-نىڭ ازىق-ت ۇلىك قاۋىپسىزدىگى جونىندەگى ۇيىمى («Food Aqriculture Orqanization of the united nations») قوستاناي قالاسىندا «قازاقستان رەسپۋبليكاسىندا گەنەتيكالىق رەسۋرستى تۇراقتى باسقارۋ جانە ساقتاۋ» تاقىرىبىنا سەمينار وتكىزدى. بۇل تۋرالى egemen.kz ءتىلشىسى حابارلادى.
سەمينارعا عالىمدار مەن وسى سالاداعى شارۋاشىلىق باسشىلارى قاتىستى. باسقوسۋدىڭ ماقساتى – ادامزاتتىڭ ازىق-ت ۇلىك قاۋىپسىزدىگىن قامتاماسىز ەتۋى ءۇشىن مالداردىڭ گەنەتيكالىق رەسۋرسىن ساقتاۋعا جانە ءتيىمدى پايدالانۋعا حالىقتىڭ نازارىن اۋدارۋ. مال گەنەتيكاسىن ساقتاۋ ماسەلەسى ءبىزدىڭ ەلىمىز ءۇشىن اسا ماڭىزدى. سەمينارعا قاتىسقان قازاقستان ۇلتتىق عىلىم اكادەمياسىنىڭ اكادەميگى, مەملەكەتتىك سىيلىقتىڭ لاۋرەاتى كوپماعامبەت ەلەمەسوۆ دۇنيە جۇزىندە عانا ەمەس, قازاقستاندا دا مال تۇقىمىنىڭ كەيبىر تۇرلەرى قالماعانىنا, سانىنىڭ بۇرىنعىدان تىم ازايىپ كەتكەنىنە نازار اۋداردى. ءوز سوزىندە ول: «بۇرىن قازاقستاندا قويدىڭ سانى – 35 ميلليون بولاتىن. قازىر 17 ميلليون. 10 ميلليون ءىرى قارادان بۇگىندە 6 ميلليونعا جەتەر-جەتپەس قالدى. قويدىڭ بيازى ءجۇندى بەسقاراعاي تۇقىمى قازىر مۇلدەم جوق. قاراكول تۇقىمى ۋاقىتىندا 6 ميلليوننان اسقان بولاتىن. ودان قازىر 950 مىڭدايى عانا قالدى. قوستاناي وبلىسىنداعى ك.ماركس اتىنداعى شارۋاشىلىق سەكىلدى ءبىرلى-جارىم شارۋاشىلىقتاردا جىلىنا ءبىر سيىردان 6 مىڭ ليتر ءسۇت ساۋىلادى. ال قازاقستان بويىنشا بۇل كورسەتكىش 2250 ليتردەن اسپايدى. مەديتسينانىڭ تالابى بويىنشا ءار ادام جىلىنا 142 ليتر ءسۇت ءىشۋى ءتيىس ەكەن, ءبىزدىڭ حالىقتىڭ سانىنا قاراعاندا ونى ءوزىمىز تولىق قامتاماسىز ەتۋگە كۇشىمىز كەلەدى, سوعان قاراماستان سىرتتان 1 ميلليون ليتر ءسۇت ساتىپ الىنادى», – دەپ, مال گەنەتيكاسىن ساقتاۋ مەن جاقسارتۋدىڭ ماڭىزى قانشالىقتى زور ەكەنىن ايتتى. سەميناردا لىمىزدە مال ءونىمىن كوبەيتۋ, جايىلىمدى قۇنارلاندىرۋ جانە ونى ءتيىمدى پايدالانۋ ماسەلەلەرى دە ءسوز بولدى. بۇۇ-نىڭ ازىق-ت ۇلىك قاۋىپسىزدىگى جونىندەگى ۇيىمىنىڭ جۇمىسىنا قازاقستان 2005 جىلدان باستاپ ارالاسىپ كەلەدى. قازىر وسى ۇيىمنىڭ ورتا ازياداعى ورتالىعىن قازاقستاندا اشۋ جۇمىسىنا دايىندىق جۇرگىزىلۋدە. ول ورتالىققا مونعوليا مەن قىتاي دا كەلەتىن بولادى. ازىق-ت ۇلىك قاۋىپسىزدىگى جونىندەگى ۇيىمنىڭ قازاقستان رەسپۋبليكاسىنداعى ۇيلەستىرۋشىسى تالعات قارىمساقوۆ وسى جونىندە ايتىپ بەردى. سونداي-اق, اتالعان ۇيىمنىڭ قازاقستانداعى كەڭەسشىسى ميحايل تاماروۆسكي «ۇلتتىق ستراتەگيا مەن جوسپاردىڭ نەگىزگى ەرەجەلەرى» اتتى بايانداما جاساپ, گەنەتيكالىق رەسۋرستى ساقتاۋدىڭ ادىستەمەلىك جاقتارىنا توقتالدى. وسى سالاداعى تاعى باسقا بىلىكتى ماماندار ءوز ويلارىن ورتاعا سالىپ, كوتەرىلگەن ماسەلەگە قاتىستى شەشىمدەرىن ۇسىندى. سەمينار سوڭىندا تيىسىنشە قارار قابىلداندى.
ءنازيرا جارىمبەتوۆا.
دەرەك, سۋرەت: egemen.kz.