2015 جىلعى 24 جەلتوقسان, الماتى قالاسى
قازاقستان رەسپۋبليكاسىنىڭ ۇلتتىق بانكى باسقارماسىنىڭ «قازاقستان رەسپۋبليكاسى ۇلتتىق ۆاليۋتاسىنىڭ بانكنوتتارى مەن مونەتالارىنىڭ تولەمدىلىگىن انىقتاۋ ەرەجەسىن بەكىتۋ تۋرالى» 2003 جىلعى 26 جەلتوقسانداعى № 477 قاۋلىسىنا وزگەرىستەر ەنگىزۋ تۋرالى
«قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى قازاقستان رەسپۋبليكاسىنىڭ زاڭىنا سايكەس, قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن جەتىلدىرۋ ماقساتىندا قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى:
1. قازاقستان رەسپۋبليكاسىنىڭ ۇلتتىق بانكى باسقارماسىنىڭ «قازاقستان رەسپۋبليكاسى ۇلتتىق ۆاليۋتاسىنىڭ بانكنوتتارى مەن مونەتالارىنىڭ تولەمدىلىگىن انىقتاۋ ەرەجەسىن بەكىتۋ تۋرالى» 2003 جىلعى 26 جەلتوقسانداعى № 477 قاۋلىسىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 2689 تىركەلگەن, 2004 جىلعى 10 اقپاندا «ەگەمەن قازاقستان» گازەتىندە № 30 (23668) جاريالانعان) مىناداي وزگەرىستەر ەنگىزىلسىن:
قاۋلىدا:
تاقىرىبى مىناداي رەداكتسيادا جازىلسىن:
«قازاقستان رەسپۋبليكاسى ۇلتتىق ۆاليۋتاسىنىڭ بانكنوتتارى مەن مونەتالارىنىڭ تولەمدىلىگىن ايقىنداۋ قاعيدالارىن بەكىتۋ تۋرالى»;
كورسەتىلگەن قاۋلىمەن بەكىتىلگەن قازاقستان رەسپۋبليكاسى ۇلتتىق ۆاليۋتاسىنىڭ بانكنوتتارى مەن مونەتالارىنىڭ تولەمدىلىگىن ايقىنداۋ قاعيدالارىندا:
3-تارماق مىناداي رەداكتسيادا جازىلسىن:
«3. قازاقستان رەسپۋبليكاسى ۇلتتىق ۆاليۋتاسى بانكنوتتارى مەن مونەتالارىنىڭ (بۇدان ءارى – بانكنوتار مەن مونەتالار) تولەمدىلىگى ولاردىڭ قازاقستان رەسپۋبليكاسىنىڭ اۋماعىندا زاڭدى تولەم قۇرالى رەتىندە پايدالانىلۋ قابىلەتىنىڭ بولۋى, سونداي-اق بانكنوتتار مەن مونەتالاردا قولدان جاساۋ بەلگىلەرىنىڭ بولماۋى بولىپ تابىلادى.»;
6-تارماق مىناداي رەداكتسيادا جازىلسىن:
«6. مىناداي اقاۋلارى بار:
1) بوياعىش زاتتار توگىلگەن, ونىڭ ىشىندە جايىلىپ كەتكەن بوياۋلارمەن جازىلعان جازبالارى بار;
2) ۋلتراكۇلگىن جارىق تۇسىرگەن كەزدە كورىنەتىن بوگدە جازبالارى بار;
3) ماشينامەن وقىلاتىن بەلگىلەردى كورسەتپەيتىن بوگدە جازبالارى بار;
4) جىرتىلعان بانكنوتتار, جەلىمدەنگەن نەمەسە جەلىمدەنبەگەن بولىكتەرى ەش داۋسىز ءبىر بانكنوتتىكى بولىپ تابىلاتىن جانە ۇلتتىق بانك بەلگىلەگەن بانكنوت مولشەرىنىڭ بىرىگىپ ەلۋ پايىزىنان استام كولەمىن قۇرايتىن بانكنوتتار;
5) بۇرىشىنان نەمەسە شەتىنەن كولەمىنىڭ ءبىر پايىزىنان استامىن جوعالتقان, بىراق ۇلتتىق بانك بەلگىلەگەن بانكنوت مولشەرىنەن ەلۋدەن استام پايىزىن ساقتاپ قالعان;
6) ۇزىنىنان ون ميلليمەتردەن استام جىرتىعى بار, ونىڭ ىشىندە ءتۇسسىز جابىسقاق تاسپامەن جەلىمدەنگەن;
7) بانكنوتتاعى تەسىكتەردىڭ بولۋى ونى تەسۋدى كۋالاندىراتىن جاعدايلاردى قوسپاعاندا, ديامەترىندە ءۇش جانە ودان استام ميلليمەتر بولاتىن ويىقتارى, تەسىكتەرى جانە جىرتىقتارى بار;
8) بانكنوت بەينەسىنىڭ جوعالۋىنا اكەپ سوقتىرعان سىرىلۋ بەلگىلەرى بار;
9) وت شالعان جانە كۇيگەن, بىراق بۇل رەتتە ۇلتتىق بانك بەلگىلەگەن بانكنوت مولشەرىنەن ەلۋدەن استام پايىزىن ساقتاپ قالعان;
10) قورعانىش ءجىبى جويىلعان;
11) بانكنوت بەينەسىنىڭ جانە اشىقتىعىنىڭ تومەندەۋىنە اكەپ سوقتىرعان, بەت جانە (نەمەسە) سىرت جاقتارى كىرلەگەن بانكنوتتار. كىرلەۋ دەگەنىمىز شاڭنىڭ, كىردىڭ, مايلاردىڭ جانە باسقا دا لاستاعىش زاتتاردىڭ بولۋى سالدارىنان بانكنوت بەتىنىڭ قارايۋىمەن سيپاتتالاتىن بانكنوتتاردىڭ جاي-كۇيى;
12) ۇلبىرەۋ جانە قاعازدىڭ قاتتىلىعىن جوعالتۋ بەلگىلەرى بار بانكنوتتار توزىعى جەتكەن بانكنوتتار بولىپ تابىلادى.»;
7-تارماقتىڭ 4) تارماقشاسى مىناداي رەداكتسيادا جازىلسىن:
«4) باستاپقى ءتۇسىن وزگەرتكەن, بىراق اۆەرسىندە (بەت جاعىندا), رەۆەرسىندە (سىرت جاعىندا) نەمەسە قىرىندا جازباشا جانە (نەمەسە) ساندىق بەلگىلەرىن ساقتاعان مونەتالار جاتادى.»;
9-تارماق مىناداي رەداكتسيادا جازىلسىن:
«9. تولەم بانكنوتتارى مەن مونەتالارىنا جاتقىزۋعا بولمايتىن, قاعيدالاردىڭ 6 جانە 7-تارماقتارىندا كورسەتىلمەگەن زاقىمدارى بار, «ۇلگى», «SPECIMEN» جازۋى بار بانكنوتتار, سونداي-اق ۇلتتىق بانك بەلگىلەگەن بانكنوت مولشەرىنەن ەلۋدەن استام پايىزىن ساقتاپ قالعان, قايتا جاسالعان بانكنوتتاردىڭ تۇپنۇسقا بولىگى بولىپ تابىلاتىن, جەلىمنىڭ نەمەسە كەسىلگەن جەرىندە جابىسقاق تاسپانىڭ ىزدەرى بار, تىگىنەن ءتۇزۋ كەسىلگەن بانكنوتتار مەن مونەتالار تولەمگە جارامسىز بانكنوتتار مەن مونەتالار بولىپ تابىلادى.»;
13 جانە 14-تارماقتار مىناداي رەداكتسيادا جازىلسىن:
«13. تولەم بانكنوتتارىنا زاڭدى تولەم قۇرالى رەتىندەگى كۇشىن جويماعان, شىنايىلىعىنا كۇمان تۋدىرمايتىن جانە ۇلتتىق بانك بەلگىلەگەن بانكنوت كولەمدەرىنىڭ جەتپىس پايىزدان كەم ەمەس, ولاردىڭ نومينالىن بىلدىرەتىن بەلگىلەرىن (جازباشا نەمەسە ساندىق) ساقتاعان جانە ەلەۋسىز زاقىمدارى بار (ەگەر ولار بانكنوتتاردىڭ شىنايىلىعىن انىقتاۋعا كەدەرگى كەلتىرمەسە), ونىڭ ىشىندە توزعان بانكنوتتار جاتادى.
14. تولەم مونەتالارىنا قازاقستان رەسپۋبليكاسىندا زاڭدى تولەم قۇرالى بولىپ تابىلاتىن, ءب ۇلىنۋ سيپاتىنا قاراماستان اۆەرسىندە (بەت جاعىندا), رەۆەرسىندە (سىرت جاعىندا) نەمەسە قىرىندا جازباشا جانە (نەمەسە) ساندىق بەلگىلەرىن ساقتاپ قالعان شىنايى مونەتالار, ونىڭ ىشىندە اقاۋلى (زاقىمدانعان) مونەتالار, سونداي-اق بيكولورلىققا جاتاتىن مونەتالاردىڭ ەكى بولىگى جاتادى.»;
15-1-تارماقتا ورىس تىلىندەگى ءماتىنى جاڭا رەداكتسيادا جازىلدى, قازاق تىلىندەگى ءماتىنى وزگەرمەيدى;
16 جانە 17-تارماقتار مىناداي رەداكتسيادا جازىلسىن:
«16. ۇلتتىق بانك زاڭدى تولەم قۇرالى رەتىندە اينالىسقا ەنگىزگەن بانكنوتتار مەن مونەتالار شىنايى بانكنوتتار مەن مونەتالار بولىپ تابىلادى.
17. تولەم بانكنوتتارى مەن مونەتالارى توزۋ دارەجەسى بويىنشا اينالىسقا جارامدى, توزىعى جەتكەن, اقاۋلى (زاقىمدانعان), اينالىستان الىناتىن بولىپ بولىنەدى. اينالىسقا جارامدى بانكنوتتار مەن مونەتالار ءوز كەزەگىندە ەميسسيالىق وراۋداعى بانكنوتتار مەن مونەتالار جانە اينالىستا بولعان بانكنوتتار مەن مونەتالار بولىپ بولىنەدى.»;
21-تارماق مىناداي رەداكتسيادا جازىلسىن:
«21. قولدان جاسالعان بانكنوتتار مەن مونەتالار ايىرباستالۋعا, كليەنتكە قايتارىلۋعا جاتپايدى جانە قازاقستان رەسپۋبليكاسىنىڭ اۋماقتىق قۇقىق قورعاۋ ورگاندارىنا بەرىلۋگە ءتيىس.»;
2-قوسىمشادا:
كەستەنىڭ تاقىرىبى مىناداي رەداكتسيادا جازىلسىن:
«قازاقستان رەسپۋبليكاسى ۇلتتىق ۆاليۋتاسىنىڭ قوسا العاندا 2005 جىلعا دەيىن شىعارىلعان, نومينالى 200, 500, 1000 جانە 2000 تەڭگە بانكنوتتارىنىڭ تولەمدىلىگىن ايقىنداۋعا ارنالعان تور»;
3-قوسىمشادا:
كەستەنىڭ تاقىرىبى مىناداي رەداكتسيادا جازىلسىن:
«قازاقستان رەسپۋبليكاسى ۇلتتىق ۆاليۋتاسىنىڭ قوسا العاندا 2005 جىلعا دەيىن شىعارىلعان, نومينالى 5000 جانە 10000 تەڭگە بانكنوتتارىنىڭ تولەمدىلىگىن ايقىنداۋعا ارنالعان تور»;
4-قوسىمشادا:
كەستەنىڭ تاقىرىبى مىناداي رەداكتسيادا جازىلسىن:
«قازاقستان رەسپۋبليكاسى ۇلتتىق ۆاليۋتاسىنىڭ نومينالى 200 تەڭگە بانكنوتتارىنىڭ تولەمدىلىگىن ايقىنداۋعا ارنالعان تور»;
5-قوسىمشادا:
كەستەنىڭ تاقىرىبى مىناداي رەداكتسيادا جازىلسىن:
«قازاقستان رەسپۋبليكاسى ۇلتتىق ۆاليۋتاسىنىڭ نومينالى 500 تەڭگە بانكنوتتارىنىڭ تولەمدىلىگىن ايقىنداۋعا ارنالعان تور»;
6-قوسىمشادا:
كەستەنىڭ تاقىرىبى مىناداي رەداكتسيادا جازىلسىن:
«قازاقستان رەسپۋبليكاسى ۇلتتىق ۆاليۋتاسىنىڭ نومينالى 1000 تەڭگە بانكنوتتارىنىڭ تولەمدىلىگىن ايقىنداۋعا ارنالعان تور»;
7-قوسىمشادا:
كەستەنىڭ تاقىرىبى مىناداي رەداكتسيادا جازىلسىن:
«قازاقستان رەسپۋبليكاسى ۇلتتىق ۆاليۋتاسىنىڭ نومينالى 2000 تەڭگە بانكنوتتارىنىڭ تولەمدىلىگىن ايقىنداۋعا ارنالعان تور»;
8-قوسىمشادا:
كەستەنىڭ تاقىرىبى مىناداي رەداكتسيادا جازىلسىن:
«قازاقستان رەسپۋبليكاسى ۇلتتىق ۆاليۋتاسىنىڭ نومينالى 5000 تەڭگە بانكنوتتارىنىڭ تولەمدىلىگىن ايقىنداۋعا ارنالعان تور»;
9-قوسىمشادا:
كەستەنىڭ تاقىرىبى مىناداي رەداكتسيادا جازىلسىن:
«قازاقستان رەسپۋبليكاسى ۇلتتىق ۆاليۋتاسىنىڭ نومينالى 10000 تەڭگە بانكنوتتارىنىڭ تولەمدىلىگىن ايقىنداۋعا ارنالعان تور».
2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
ۇلتتىق بانك توراعاسى ق.كەلىمبەتوۆ.
قاۋلى قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 10 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10217 بولىپ ەنگىزىلدى.