شىمكەنتتە كوللەدج باسشىسى جالعان وقىتۋ سحەماسىن ۇيىمداستىرىپ, 1,3 ملرد تەڭگە جىمقىرعان. بۇعان دەيىن دە ءىستى بولعان ول زاڭسىز ارەكەتىن تۇرمەدە وتىرىپ جالعاستىرعان. بۇل تۋرالى قارجىلىق مونيتورينگ اگەنتتىگى مالىمدەدى, دەپ حابارلايدى Egemen.kz.
تەرگەۋ مالىمەتىنشە, 2018-2023 جىلدار ارالىعىندا وڭتۇستىك قازاقستان جوعارى مەديتسينالىق كوللەدجى مەن وڭتۇستىك قازاقستان گۋمانيتارلىق-قارجى كوللەدجى قۇرىلتايشىسى جالعان وقىتۋ سحەماسىن ۇيىمداستىرعان.
قىلمىستىق سحەماعا كوللەدج باسشىلارى, بۋحگالتەرلەر جانە وزگە دە قاتىسى بار تۇلعالار تارتىلعان. سحەما جالعان بۇيرىقتار شىعارۋ, ەلەكتروندىق تسيفرلىق قولتاڭبالاردى پايدالانۋ جانە جالعان اكتىلەر راسىمدەۋ ارقىلى جۇزەگە اسقان. سونىمەن قاتار, كەيبىر ستۋدەنتتەر اقىلى بولىمنەن مەملەكەت ەسەبىنەن وقيتىندار قاتارىنا زاڭسىز اۋىستىرىلعان.
اباي وبلىسىندا شارۋا قوجالىعى باسشىسى 211 ملن تەڭگە جىمقىرعان
تەرگەۋ دەرەگىنە ساي, وڭتۇستىك قازاقستان گۋمانيتارلىق-قارجى كوللەدجى ءىس جۇزىندە جۇمىس ىستەمەگەن جانە تەك بيۋدجەت قارجىسىن يەمدەنۋ ءۇشىن پايدالانىلعان. سونىڭ سالدارىنان مەملەكەتكە كەلتىرىلگەن جالپى شىعىن 1,3 ملرد تەڭگەدەن اسقان.
«ەكى كۇدىكتىگە قاتىستى قاماۋدا ۇستاۋ تۇرىندەگى بۇلتارتپاۋ شاراسى, تاعى ءۇش تۇلعاعا قاتىستى ەشقايدا كەتپەۋ جانە ءتيىستى مىنەز-ق ۇلىق تۋرالى قولحات تۇرىندەگى بۇلتارتپاۋ شاراسى قولدانىلدى», دەلىنگەن اگەنتتىك حابارلاماسىندا.
اۋىل كلۋبىنىڭ باسشىسى 10 جىل بويى بيۋدجەت قارجىسىن جىمقىرعان
قما مالىمەتىنشە, كۇدىكتىلەر 65 ملن تەڭگە شىعىندى ەرىكتى تۇردە وتەگەن. بۇدان بولەك, سوت سانكتسياسىمەن ءۇش پاتەرگە, ونىڭ ىشىندە دۋباي قالاسىنداعى پاتەرگە, ءۇش تۇرعىن ءۇي مەن ءۇش اۆتوكولىككە تىيىم سالىنعان.
نۇربولات امانبەك