Euronews Academy, «مەديا دامىتۋ قورى» كق جانە Maqsut Narikbaev University بىرلەسىپ ۇيىمداستىرعان «مەديا تەحنولوگيالار» كۋرسى مارەسىنە جەتتى, دەپ حابارلايدى Egemen.kz.
Euronews-ءتىڭ گرەك قىزمەتىنىڭ جەتەكشىسى ءارى تاشكەنتتەگى بيۋرو باسشىسى, تانىمال مەديامەنەدجەر Akis Tatsis استاناعا ارنايى كەلىپ, ءدارىس وقىدى. ول ءوزىنىڭ كاسىبي تاجىريبەسىنەن الىنعان قۇندى ينسايتتارىن ءبولىستى.
باعدارلاما اياسىنداعى «حالىقارالىق جوبالاردى باسقارۋ جانە پروديۋسەرلەۋ» ءمودۋلى قاتىسۋشىلاردىڭ ەرەكشە قىزىعۋشىلىعىن تۋدىرىپ, ناقتى كەيستەر ارقىلى تاجىريبەگە باعىتتالعان ءبىلىم ۇسىندى. ساباقتاردا حالىقارالىق مەديا جوبالاردى جۇزەگە اسىرۋدىڭ ناقتى ۇلگىلەرى, ءارتۇرلى نارىقتارعا كونتەنتتى بەيىمدەۋ جولدارى جانە كوماندالىق جۇمىستى ءتيىمدى ۇيىمداستىرۋ تاسىلدەرى كەڭىنەن قاراستىرىلدى.