اقتوبە وبلىسى قارعالى اۋدانىنداعى جازىق القاپتان ۇشقىشسىز ۇشۋ اپپاراتىنىڭ سىنىقتارىنا ۇقساس زاتتار تابىلدى. قازىر وقيعا ورنىنا پوليتسيا مەن جەدەل قىزمەت وكىلدەرى جەتىپ, تەكسەرۋ جۇمىستارىن جۇرگىزىپ جاتىر, دەپ جازادى Egemen.kz.
كۋاگەرلەردىڭ ايتۋىنشا, كۇماندى زاتتى العاش بولىپ جەرگىلىكتى تۇرعىندار بايقاعان. ولار وقيعا ورنىن جانە ارنايى قىزمەتتەردىڭ جۇمىسىن ۆيدەوعا ءتۇسىرىپ العان. سونداي-اق كەيبىر تۇرعىندار نىساننىڭ قۇلاۋ ءساتىن دە تاسپاعا تۇسىرگەندەرىن ايتادى. الەۋمەتتىك جەلىلەردە تاراعان كادرلاردا جارىلىسقا ۇقساس قاتتى دىبىس ەستىلەدى.
«مىنە, درون جارتى ساعات بۇرىن قۇلادى. تاڭەرتەڭگى ۋاقىت, ساعات شامامەن 8:30», دەيدى ينتەرنەتتە تاراعان ۆيدەونى تۇسىرگەن اۆتور.
باتىس قازاقستان وبلىسىندا تاعى ءبىر درون قۇلادى
وڭىرلىك پوليتسيا دەپارتامەنتى اتالعان دەرەكتى راستادى.
«اقتوبە وبلىسىنىڭ پوليتسيا دەپارتامەنتى ۋاكىلەتتى قىزمەتتەرمەن بىرلەسىپ, قارعالى اۋدانىندا ۇشقىشسىز ۇشۋ اپپاراتىنىڭ بولشەكتەرىنە ۇقساس زاتتاردىڭ تابىلۋىنا بايلانىستى تەكسەرۋ شارالارىن جۇرگىزىپ جاتىر. نىسان ەلدى مەكەننەن تىس جەردە انىقتالدى. وقيعانىڭ بارلىق ءمان-جايى انىقتالىپ جاتىر», دەلىنگەن دەپارتامەنت حابارلاماسىندا.
استانادا تازالىقتى باقىلاۋعا دروندار جۇمىلدىرىلادى