قازاقتىڭ ەڭ كورنەكتى ەپوستارىنىڭ ءبىرى «قوزى كورپەش – بايان سۇلۋ» زاماناۋي تەحنولوگيا ارقىلى جاڭاشا سيپات الدى. 29 ساۋىردە كوپشىلىككە «ماحاببات سەرتى» اتتى جي نەگىزىندەگى مەدياجوبانىڭ ترەيلەرى ۇسىنىلىپ, تانىس حيكايانىڭ جاڭا قىرى اشىلدى, دەپ جازادى Egemen.kz.
ءتورت بولىمنەن تۇراتىن «ماحاببات سەرتى» جي-فيلمىندە ماحاببات پەن ادالدىق تاقىرىبى زاماناۋي تاسىلمەن قايتا زەردەلەنگەن. جوبا ەپوس كەيىپكەرىنىڭ ەسىمىمەن ۇندەسەتىن «بايان سۇلۋ» كونديتەرلىك فابريكاسىنىڭ قولداۋىمەن جۇزەگە اسقان.
ء«بىز ءۇشىن بۇل – جۇيەلى باعىت. بۇعان دەيىن «قوزى كورپەش – بايان سۇلۋ» تەاتر قويىلىمىن قولداساق, ەندى وسى وقيعانىڭ تەحنولوگيالىق فورماتتاعى جالعاسىن كورىپ وتىرمىز. بايان سۇلۋ تۋرالى اڭىز – ءبىزدىڭ مادەني كودىمىزدىڭ ءبىر بولىگى. جي-سەريال ارقىلى ەپوستى جاڭا قىرىنان تانىتىپ, ونىڭ مازمۇنىن ساقتاي وتىرىپ, جاس اۋديتورياعا جەتكىزۋگە مۇمكىندىك بار. ءبىز مۇنداي جوبالار ءداستۇر مەن زاماناۋيلىقتى ۇشتاستىرادى دەپ سەنەمىز», دەدى «بايان سۇلۋ» اق پرەزيدەنتى تيمۋر سادىكوۆ.
فيلمدە سەزىمدەرى ءتۇرلى كەدەرگىلەرگە, ساتقىندىققا جانە تراگەدياعا ۇشىرايتىن قوس عاشىقتىڭ تاعدىرى باياندالادى. جوبا قازاق تىلىندە كاسىبي دىبىستالىپ, ورىس جانە اعىلشىن تىلدەرىندە سۋبتيترلەرمەن ۇسىنىلادى. كومپانيا مالىمەتىنشە, دىبىستاۋ جۇمىستارىنا ارنايى دۋبلياج اكتەرلەرى تارتىلعان.
كورىنىستەردى ۆيزۋاليزاتسيالاۋ, تسيفرلىق كەيىپكەرلەر جاساۋ جانە بەينەنى وڭدەۋ بارىسىندا جاساندى ينتەللەكت كەڭىنەن قولدانىلعان. ناتيجەسىندە وقيعا جاڭا ۆيزۋالدىق سيپاتقا يە بولىپ, اۋديتورياعا تۇسىنىكتى بولا تۇسكەن.
قازاقستاننىڭ بايلىعىن جاساندى ينتەللەكت ىزدەي باستادى
«ماحاببات سەرتى» جوباسىنىڭ تۇساۋكەسەرى 2026 جىلدىڭ مامىر ايىنىڭ ورتاسىنا جوسپارلانعان. كورەرمەن قاۋىم ءفيلمنىڭ بارلىق ءبولىمىن Adai Media Group كومپانياسىنىڭ الەۋمەتتىك جەلىلەردەگى پاراقشالارىنان ەركىن تاماشالاي الادى.
جوبا اۆتورلارىنىڭ ايتۋىنشا, بۇل تۋىندى – ەپوستىڭ ءتۇرلى نۇسقالارىن, سونىڭ ىشىندە اقىن جاناق مۇراسى مەن عابيت مۇسىرەپوۆ پەساسىن نەگىزگە العان اۆتورلىق پايىم.
«تۇپنۇسقا رۋحىن ساقتاي وتىرىپ, كەيبىر سيۋجەتتىك جەلىلەردى وزگەرتىپ, زاماناۋي فيلوسوفيالىق ءمان قوستىق. بۇل – ماڭگىلىك ماحاببات تاقىرىبىنا جاڭاشا كوزقاراس», دەيدى ولار.
جوبانى جاساۋشىلار جي فورماتى ەڭ الدىمەن تسيفرلىق پلاتفورمالار ارقىلى كونتەنت تۇتىناتىن جاس بۋىنعا باعىتتالعانىن اتاپ ءوتتى. ال «بايان سۇلۋ» كومپانياسى مۇنداي باستامالار كلاسسيكالىق تۋىندىلاردى مەكتەپ باعدارلاماسىنان تىس فورماتتا تانىستىرۋدىڭ ءتيىمدى جولىنا اينالادى دەپ ەسەپتەيدى.
ەندى ۇلتتىق ۇلان ساربازدارىنىڭ ەموتسيالىق جاعدايىن جاساندى ينتەللەكت باقىلايدى
ايتا كەتەيىك, بۇل – كومپانيانىڭ ۇلتتىق مۇرانى دارىپتەۋدەگى العاشقى قادامى ەمەس. 2024 جىلى «بايان سۇلۋ» مۇحتار اۋەزوۆ اتىنداعى قازاق ۇلتتىق دراما تەاترىندا قويىلعان «قوزى كورپەش – بايان سۇلۋ» سپەكتاكلىنە قولداۋ كورسەتكەن ەدى. سول كەزدە باستاما مادەني مۇرانى ناسيحاتتاۋمەن قاتار, 15 ءساۋىر – ۇلتتىق عاشىقتار كۇنىن دارىپتەۋگە باعىتتالعان ەدى.