يران بيلىگى اقش-پەن كەلىسسوزدەرگە قاتىستى ءۇش كەزەڭنەن تۇراتىن ۇسىنىس جاسادى. ۇسىنىس ايماقتاعى شيەلەنىستى تومەندەتۋگە جانە ۇزاقمەرزىمدى تۇراقتىلىققا قول جەتكىزۋگە باعىتتالعان, دەپ حابارلايدى Egemen.kz.
العاشقى كەزەڭدە تاراپتار سوعىستى توقتاتىپ, يران مەن ليۆانعا قارسى اسكەري ارەكەتتەردى بولدىرماۋ جونىندە ناقتى كەپىلدىكتەرگە قول جەتكىزۋى كەرەك. بۇل قادام كەلىسسوزدەردىڭ نەگىزگى ىرگەتاسى رەتىندە قاراستىرىلىپ وتىر.
ەكىنشى كەزەڭدە, ەگەر العاشقى شارتتار ورىندالسا, تاراپتار سوعىس اياقتالعاننان كەيىن ورمۇز بۇعازىنىڭ باسقارىلۋ ءتارتىبىن تالقىلايدى. يران بۇل ماسەلە بويىنشا ومانمەن ۇيلەستىرۋ جۇرگىزۋ مۇمكىندىگىن قاراستىرىپ وتىرعانىن مالىمدەدى.
يرانداعى قاقتىعىس سالدارى: الەمدىك شىعىن 50 ملرد دوللاردان استى
ءۇشىنشى كەزەڭدە عانا يراننىڭ يادرولىق باعدارلاماسىنا قاتىستى ماسەلەلەر كۇن تارتىبىنە شىعارىلادى.
وسى جاعداي اياسىندا يراننىڭ سىرتقى ىستەر ءمينيسترى ابباس اراكچي رەسەيگە ساپارمەن اتتانىپ, ۆلاديمير پۋتينمەن كەلىسسوزدەر جۇرگىزۋدى جوسپارلاپ وتىر. كەزدەسۋدە وڭىردەگى سوڭعى جاعداي, كەلىسسوزدەر بارىسى جانە اتىستى توقتاتۋ ماسەلەلەرى تالقىلانباق.
«ۋاقىتتى بوسقا وتكىزۋ»: يران اقش-پەن كەزدەسۋدەن باس تارتتى