كەزدەسۋ بارىسىندا قازاقستان ەۋروپا قاۋىپسىزدىك جانە ىنتىماقتاستىق ۇيىمىمەن, سونداي-اق ونىڭ پارلامەنتتىك اسسامبلەياسىمەن سەرىكتەستىكتى نىعايتۋعا مۇددەلى ەكەنى اتاپ ءوتىلدى, دەپ حابارلايدى Egemen.kz.
قاسىم-جومارت توقاەۆ استانانىڭ ەكولوگيالىق كۇن ءتارتىبى مەن تۇراقتى دامۋ باعىتىنداعى كۇش-جىگەرىنە دايەكتى تۇردە قولداۋ كورسەتكەنى ءۇشىن ەقىۇ پارلامەنتتىك اسسامبلەياسىنا جوعارى باعا بەردى.
سونىمەن قاتار پرەزيدەنت مەملەكەتتەر اراسىنداعى ديالوگ, سەنىم مەن تۇسىنىستىكتى كۇشەيتۋگە سەپتىگىن تيگىزەتىن قۇرال رەتىندە پارلامەنتتىك ديپلوماتياعا ايرىقشا ءمان بەرەتىنىن جەتكىزدى. قاسىم-جومارت توقاەۆ پەرە جوان پونسكە ەلىمىزدە جۇرگىزىلىپ جاتقان اۋقىمدى ساياسي رەفورما جونىندە باياندادى.
ونىڭ ايتۋىنشا, جاڭا كونستيتۋتسيا مەملەكەت ينستيتۋتتارىنىڭ ورنىقتىلىعىن قامتاماسىز ەتۋگە, باسقارۋ جۇيەسىنىڭ تيىمدىلىگىن ارتتىرۋعا جانە ادام قۇقىقتارىن قورعاۋ تەتىكتەرىن كۇشەيتۋگە باعىتتالعان.
پرەزيدەنت دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورىمەن كەزدەستى
پەرە جوان پونس وڭىرلىك ەكولوگيالىق سامميتتە قوزعالعان ماسەلەلەردىڭ وزەكتىلىگىنە توقتالدى. ول وڭىرلىك كۇن ءتارتىبىن ىلگەرىلەتۋ مەن ورتاق باستامالاردى جۇزەگە اسىرۋ جولىندا ورتالىق ازيا ەلدەرىنىڭ جۇمىلا بىلەتىنىنە كوز جەتكىزگەنىن ايتتى.
پرەزيدەنت حالىقارالىق كونۆەنتسيا جەتەكشىلەرىمەن كەزدەسۋ وتكىزدى
كەزدەسۋ سوڭىندا مەملەكەت باسشىسى قازاقستاننىڭ ەقىۇ پارلامەنتتىك اسسامبلەياسىمەن ىنتىماقتاستىقتى ودان ءارى نىعايتۋعا دايىن ەكەنىن راستاپ, ناتيجەلى ىقپالداستىق جالعاسىن تاباتىنىنا سەنىم ءبىلدىردى.