استانا. 27 ناۋرىز. ماسكەۋدىڭ «سپارتاك» كومانداسىنىڭ فۋتبولشىلارى كلۋبتىڭ توناۋدان زارداپ شەككەن 102 جاستاعى جانكۇيەرى وتتو فيشەرگە 500 مىڭ رۋبل اقشا تاپسىردى. بۇل تۋرالى Lenta.ru حابارلادى.
كورسەتىلگەن كومەك جونىندەگى اقپار الدىمەن كلۋبتىڭ Twitter-دەگى رەسمي اككانتىندا پايدا بولدى. شابۋىلشى ۆياچەسلاۆ كروتوۆ جەڭىستىڭ 70 جىلدىعىنا ارنالعان تەلەۆيزيالىق حابارلاردىڭ ءبىرىن جازۋ كەزىندە «قىزىل-اق» جەيدەلىلەردىڭ ەرتەدەن بەرگى تابىنۋشىسىمەن كەزدەسىپ, وعان ايتىلعان اقشانى تاپسىردى.
بۇدان بۇرىن «سپارتاكتىڭ» فان-كلۋبىندا فيشەرگە كومەك كورسەتۋ ءۇشىن اقشا جينالاتىن ەسەپشوتتىڭ اشىلعانى حابارلانعان بولاتىن. كوماندا وكىلدەرى 4 ءساۋىر كۇنى «كۋبانمەن» وتەتىن ويىنعا ساتىلاتىن بيلەتتەن تۇسەتىن اقشانىڭ دا ءبىر بولىگى قارت جانكۇيەرلەرگە بەرىلەتىنىن جەتكىزدى.
ماسەلە مىنادا. ناۋرىزدىڭ اياعىنا قاراي فيشەردىڭ چەليابى وبلىسىنداعى كوپەيسك قالاسىنداعى ءۇيى تونالىپ قالعان ەدى. الەۋمەتتىك سالانىڭ مامانى رەتىندە كىرگەن جاس جىگىت ءۇي يەسى سۋ اكەلىپ بەرەم دەگەنشە, ۇيدەگى 730 مىڭ اقشانى الىپ, جوق بولىپ كەتكەن.
دامير قوجامقۇل.
مانبە, سۋرەت: Lenta.ru.