ەلوردادا پوليتسيا قىزمەتكەرلەرىنىڭ زاڭدى تالاپتارىنا باعىنباي, ولارعا قارسى كۇش قولدانعان قالا تۇرعىنىنا قاتىستى سوت ۇكىمى شىقتى, دەپ حابارلايدى Egemen.kz.
استانا قالالىق پروكۋراتۋراسىنىڭ ءباسپاسوز قىزمەتىنىڭ مالىمەتىنشە, وقيعا قالاداعى تۇرعىن ۇيلەردىڭ ءبىرىنىڭ اۋلاسىندا بولعان. ماساڭ كۇيدە بولعان ەر ادام قوعامدىق ءتارتىپتى بۇزىپ, وزىنە ەسكەرتۋ جاساعان پوليتسيا قىزمەتكەرلەرىنىڭ زاڭدى تالاپتارىنا باعىنۋدان باس تارتقان. ءتارتىپ ساقشىلارىن بالاعاتتاپ, ولاردىڭ ار-نامىسى مەن قادىر-قاسيەتىن قورلاعان ول مۇنىمەن توقتاماي, بەلسەندى قارسىلىق كورسەتىپ, بيلىك وكىلدەرىنە قاتىستى كۇش قولدانعان.
ىشكى ىستەر مينيسترلىگى: پوليتسيا قىزمەتكەرلەرىنە كۇش قولدانعان بارلىق تۇلعالار قاماۋعا الىندى
قۇقىققا قارسى ارەكەتتەردىڭ سالدارىنان پوليتسيا قىزمەتكەرلەرى دەنساۋلىققا اۋىر زيان كەلتىرمەيتىن ءارتۇرلى دەنە جاراقاتتارىن العان.
سوت پروتسەسى بارىسىندا مەملەكەتتىك ايىپتاۋشى سوتتالۋشىنىڭ كىناسىن تولىق دالەلدەيتىن بۇلتارتپاس ايعاقتاردى ۇسىندى. كىنالى دەپ تانىلعان ازامات ءوز ءىسىن تولىق مويىنداپ, جاساعان ارەكەتىنە وكىنەتىنىن جەتكىزدى.
قوستانايدا ءبىر توپ ماس ادام پوليتسيا قىزمەتكەرىنە شابۋىل جاسادى
سوت ۇكىمىمەن ازامات كىنالى دەپ تانىلىپ, وعان 3 جىل مەرزىمگە باس بوستاندىعىنان ايىرۋ جازاسى تاعايىندالدى. ۇكىم زاڭدى كۇشىنە ەندى.
ەلوردالىق پروكۋراتۋرا بيلىك وكىلدەرىن قورلاۋ, ولاردىڭ زاڭدى تالاپتارىنا باعىنباۋ جانە قۇقىق قورعاۋ ورگاندارىنىڭ قىزمەتكەرلەرىنە قاتىستى كۇش قولدانۋ اۋىر قىلمىستىق جاۋاپتىلىققا اكەپ سوعاتىنىن قاتاڭ ەسكەرتەدى. ۆەدومستۆو ازاماتتاردى زاڭ تالاپتارىن قاتاڭ ساقتاۋعا جانە قوعامدىق ءتارتىپتى بۇزباۋعا شاقىرادى.