جاساندى ينتەللەكت جانە تسيفرلىق دامۋ مينيسترلىگى مەملەكەت باسشىسىنىڭ تاپسىرماسى اياسىندا Stanford HAI, OpenAI Academy جانە Silkroad Innovation Hub-پەن بىرلەسىپ «AI Leaders 2026» ءبىلىم بەرۋ باعدارلاماسىن باستايدى, دەپ حابارلايدى Egemen.kz.
بۇل - اكادەميالىق تاجىريبە مەن پراكتيكالىق قولدانۋدى ۇشتاستىرعان, ورتالىق ەۋرازيا ءوڭىرى ءۇشىن جاسالعان جاساندى ينتەللەكت سالاسىنداعى كوشباسشىلاردى دايارلايتىن ەڭ ءىرى كورپوراتيۆتىك باعدارلاما. نەگىزگى ۇيىمداستىرۋشىلاردان بولەك, جي-اگەنتتەرى مەن تسيفرلىق شەشىمدەردى جاساۋعا مۇمكىندىك بەرەتىن Lovable جانە CAYU پلاتفورمالارى, سونداي-اق نازارباەۆ ۋنيۆەرسيتەتى جانىنداعى ينتەللەكتۋالدى جۇيەلەر جانە جاساندى ينتەللەكت ينستيتۋتى (ISSAI) جوبانىڭ سەرىكتەستەرى بولىپ تابىلادى.
باعدارلامانىڭ اكادەميالىق جەتەكشىسى - Stanford University HAI پروفەسسورى, جي تۋرالى الەمدىك بەستسەللەر اۆتورى, Google Research-ءتىڭ ەكس-ديرەكتورى جانە قر پرەزيدەنتى جانىنداعى جي دامىتۋ جونىندەگى ساراپشىلىق كەڭەستىڭ مۇشەسى پيتەر نورۆيگ. ونىڭ جەتەكشىلىگىمەن وقۋ ماتەريالى ءبىزدىڭ ءوڭىردىڭ ەرەكشەلىكتەرىنە بارىنشا بەيىمدەلگەن.
جاساندى ينتەللەكت زاۋىتتارداعى اقاۋلاردى قالاي بولجايدى؟
پرەمەر-ءمينيستردىڭ ورىنباسارى – جاساندى ينتەللەكت جانە تسيفرلىق دامۋ ءمينيسترى جاسلان ماديەۆ باعدارلاما قورىتىندىسى بويىنشا Stanford University HAI ساراپتاماسىنا جانە OpenAI Academy تەحنولوگيالارىنا سۇيەنە وتىرىپ, ءاربىر قاتىسۋشى ءوز ۇيىمى ءۇشىن قولدانبالى جي-ستراتەگياسىن جاسايتىنىن ايتتى.
«مەملەكەت باسشىسىنىڭ ەكونوميكانىڭ بارلىق سەكتورىنا جاساندى ينتەللەكتىنى ەنگىزۋ تۋرالى تاپسىرماسىن ورىنداي وتىرىپ, ءبىز تاجىريبەلىك وزگەرىستەر كەزەڭىنە كوشەمىز. باعدارلاما قورىتىندىسى بويىنشا Stanford University HAI ساراپتاماسىنا جانە OpenAI Academy تەحنولوگيالارىنا سۇيەنە وتىرىپ, ءاربىر قاتىسۋشى ءوز ۇيىمى ءۇشىن قولدانبالى جي-ستراتەگياسىن جاسايدى. بۇل ءاربىر كومپانيانىڭ تسيفرلىق ترانسفورماتسياسى بۇكىل ەلدىڭ تەحنولوگيالىق كوشباسشىلىعى مەن تابىسىنىڭ نەگىزىنە اينالاتىن باسقارۋدىڭ جاڭا مودەلىنىڭ ىرگەتاسىن قالايدى», دەپ اتاپ ءوتتى.
وقۋ 8 ساۋىردە باستالادى, ول ينتەنسيۆتى live-سەسسيالارى فورماتىنداعى 30 ساعاتتان استام وقۋدى قامتيدى جانە كەڭ اۋديتوريا ءۇشىن وزىق بىلىمگە قولجەتىمدىلىكتى قامتاماسىز ەتە وتىرىپ, قازاق, وزبەك جانە ورىس تىلدەرىندەگى اۋدارمامەن سۇيەمەلدەنەتىن بولادى.
وقىتۋ ماقساتتى مودەل بويىنشا قۇرىلعان: كومپانيالار كوماندالارمەن قاتىسادى, بۇل ورتا بۋىننان جوعارى باسشىلىققا دەيىنگى نەگىزگى باسقارۋشى رولدەر دەڭگەيىندە قۇزىرەتتەردى كەشەندى دامىتۋعا مۇمكىندىك بەرەدى. وسى باعدارلاما اياسىندا ءاربىر ۇيىم ناقتى بيزنەس-مىندەتتەر مەن پروتسەستەرگە باعىتتالعان ءوزىنىڭ جەكە جي-ستراتەگياسىن ازىرلەيدى. بۇل مەملەكەت باسشىسى قويعان ەكونوميكانىڭ بارلىق نەگىزگى سەكتورلارىنا جي-ءدى جۇيەلى ەنگىزۋ مىندەتى تۇرعىسىنان وتە ماڭىزدى. مۇنداي جاعدايدا ءىرى كومپانيالار مەن ينستيتۋتتاردىڭ جەكەلەگەن قۇرالداردى سىناپ كورۋدەن كۇتىلەتىن تيىمدىلىكتى انىق تۇسىنە وتىرىپ, تۇتاس جي-ستراتەگيالارىن قالىپتاستىرۋعا كوشۋى وتە ماڭىزدى.
پرەمەر-مينيستر جاساندى ينتەللەكتىنى دامىتۋدىڭ نەگىزگى باعىتتارىن اتادى
قاتىسۋشىلار اراسىندا وڭىردەگى 150-گە جۋىق ءىرى ۇيىمنىڭ باسشىلارى, مەملەكەتتىك جانە كۆازيمەملەكەتتىك سەكتور وكىلدەرى, سونىڭ ىشىندە «سامۇرىق-قازىنا», «بايتەرەك» ۇلتتىق حولدينگتەرى جانە قازاقستان رەسپۋبليكاسىنىڭ ۇلتتىق بانكى, سونداي-اق ەكونوميكانىڭ جەتەكشى كومپانيالارى: Halyk Bank, Freedom Holding, Kaspi.kz, BI Group, Astana Motors, Beeline, Kcell, Bazis-A, «قازمىرىش», Transtelecom, Lancaster Group جانە باسقالارى بار.
وقىتۋ ادىستەمەسى كومپانيالارعا جي-ءدى تۇسىنۋدەن باستاپ ونى ءىس جۇزىندە ەنگىزۋگە دەيىنگى جولدان دايەكتى تۇردە وتۋگە مۇمكىندىك بەرەتىن ءۇش ساتىلى دايىندىق جۇيەسىنە نەگىزدەلگەن. الدىمەن قاتىسۋشىلار Stanford University HAI-مەن بىرگە جي-ءدىڭ نەگىزگى پرينتسيپتەرىن, تەحنولوگيالاردىڭ شەكتەۋلەرىن جانە ولاردىڭ بيزنەس-پروتسەستەر مەن باسقارۋعا اسەرىن زەردەلەي وتىرىپ, اكادەميالىق نەگىز قالايدى. سودان كەيىن OpenAI Academy-مەن جي قۇرالدارىمەن جۇمىس ىستەۋگە كوشەدى - prompt engineering-ءتى, مودەلدەردى پايدالانۋدى جانە جي-ءدى ناقتى مىندەتتەردە قولدانۋدى مەڭگەرەدى. فينالدىق كەزەڭ جي-اگەنتتەرى مەن قولدانبالى شەشىمدەرگە ارنالادى: CAYU جانە Lovable-مەن بىرگە كوماندالار بيزنەستەگى جانە نەگىزگى سالالارداعى جي-جۇيەلەرىن ازىرلەۋدى جانە قولدانۋدى ۇيرەنەتىن بولادى.
جاساندى ينتەللەكت: ميفتەن مەحانيكاعا دەيىن
مۇنداي باعدارلامالار نەگىزىندە ءبىز جي-ترانسفورماتسياسىن باسقارۋعا جانە ەكونوميكا مەن قوعامنىڭ تۇراقتى دامۋىن قامتاماسىز ەتۋگە قاجەتتى قۇزىرەتتەرى بار كوشباسشىلاردىڭ جاھاندىق قوعامداستىعىن قالىپتاستىرامىز. باعدارلاما ءارتۇرلى ەلدەردىڭ قاتىسۋشىلارىن بىرىكتىرىپ, ىنتىماقتاستىق اياسىن كەڭەيتەدى. باعدارلاما تىڭداۋشىلارى اراسىندا ازەربايجان, قىرعىزستان, وزبەكستان, موڭعوليا, تاجىكستان, تۇركيا جانە كاتار ەلدەرىنىڭ وكىلدەرى بار.
ء«بىزدىڭ ماقساتىمىز - وڭىرگە جي سالاسىنداعى وزىق بىلىمگە جانە جاھاندىق تەحنولوگيالىق ەكوجۇيەلەرگە تىكەلەي قول جەتكىزۋدى قامتاماسىز ەتۋ. ءبىز قاتىسۋشىلارى ءبىلىمدى بۇگىندە يندۋستريانى قالىپتاستىرىپ جاتقان جانە ونىڭ بولاشاعىن ايقىندايتىنداردان الاتىن ءبىرىنشى مامانداردان الا التىن باعدارلامالار جاسايمىز. وسىلايشا, ورتالىق ەۋرازيا جاھاندىق تەحنولوگيالىق جانە جي-ەكوجۇيەسىنىڭ كورنەكتى جانە بەلسەندى مۇشەسىنە اينالادى», دەپ اتاپ ءوتتى Silkroad Innovation Hub نەگىزىن قالاۋشى جانە باس ديرەكتورى اسەت ابدۋاليەۆ.
كۋرس اياقتالعاننان كەيىن قاتىسۋشىلار Stanford University HAI رەسمي سەرتيفيكاتىن الادى جانە ورتالىق ەۋرازياداعى ەڭ ءىرى جي-قاۋىمداستىعىنىڭ مۇشەسىنە اينالادى. بۇل باستاما كادرلاردى دايارلاۋدىڭ كەشەندى جۇيەسىنىڭ نەگىزگى بۋىنى بولىپ تابىلادى: ەستەرىڭىزگە سالا كەتەيىك, 2025 جىلى ەلىمىزدىڭ 1 ميلليونعا جۋىق ازاماتى تسيفرلىق ساۋاتتىلىق بويىنشا بازالىق وقۋدان وتكەنكەن بولاتىن. جۇيەلى جۇمىس بارلىق دەڭگەيدە - TUMO Astana جانە Tomorrow School جاستار ورتالىقتارىنان باستاپ, AI Sana ستۋدەنتتىك باعدارلامالارىنا, مەملەكەتتىك قىزمەتشىلەرگە ارنالعان AI Qyzmet ارنايى جوبالارىنا جانە AI Governance 500 باعدارلاماسى بويىنشا مەملەكەتتىك سەكتوردا جي-وفيتسەرلەرىن دايارلاۋعا دەيىن جۇرگىزىلىپ, ەلدىڭ تەحنولوگيالىق دامۋى ءۇشىن ساراپتامالىق بازانى قامتاماسىز ەتۋدە.