قايىرىمدىلىق قاراجاتىن جىمقىرعانى ءۇشىن سوتتالعان پەريزات قايراتتىڭ Mercedes-Benz S450 كولىگىن اۋكتسيونعا قويۋ تۋرالى حابارلاندىرۋ جاريالانعان ەدى. 7 ساۋىردە ەلەكتروندىق ساۋدا پورتالىندا پەريزات قايراتتان تاركىلەنگەن كولىك مەملەكەتتىك ورگانداردىڭ مەنشىگىنە بەرىلگەنى تۋرالى اقپارات جاريالاندى, دەپ جازادى Egemen.kz.
اۋكتسيون ناتيجەسىندە قىمبات كولىك مەملەكەتتىك ورگانداردىڭ مەنشىگىنە بەرىلگەنى حابارلاندى. دەسە دە, كولىك ناقتى قاي مەكەمەگە بۇيىرعانى ايتىلماعان.
«م ۇلىكتى مەملەكەتتىك زاڭدى تۇلعالاردىڭ تەڭگەرىمىنە بەرۋ جانە بەكىتۋ. ساۋدا-ساتتىق مارتەبەسى: ءوتتى», دەپ جازىلعان پورتالداعى حابارلاندىرۋدا.
بۇعان دەيىن كولىك قۇنى – 79 415 000 تەڭگەگە باعالانعانى بەلگىلى بولعان.
استانا قالاسىنىڭ مەملەكەتتىك م ۇلىك جانە جەكەشەلەندىرۋ دەپارتامەنتى 514ARQ01 مەملەكەتتىك ءنومىرلى قارا ءتۇستى Haval H6 GT اۆتوكولىگىن اۋكتسيونعا شىعارىلعانىن حابارلادى. اتالعان كولىك پەريزات قايراتتىڭ اناسى, سوتتالعان عايني الاشباەۆانىڭ اعاسى قىرىمگەرەي الاشباەۆتىڭ اتىندا بولعان. اتالعان كولىكتىڭ باعالاۋ قۇنى – 11 939 000 تەڭگە.
ەسكە سالايىق, 2025 جىلعى 25 شىلدەدە پەريزات قايرات 10 جىلعا باس بوستاندىعىنان ايىرىلعان. سونىمەن قاتار ول قايىرىمدىلىق ءۇشىن تابىستالاتىن «شاپاعات» مەملەكەتتىك مەدالىنەن ايىرىلدى.
پەريزات قايراتتىڭ ادۆوكاتى اپەللياتسيالىق سوتقا شاعىم ءتۇسىردى
سوت ۇكىمىنە سايكەس, پەريزات قايرات پەن ونىڭ اناسى (وعان دا ايىپتاۋ ۇكىمى شىققان) 50 جابىرلەنۋشىنىڭ پايداسىنا جالپى سوماسى 1 ملرد 582 ملن تەڭگە كولەمىندە ماتەريالدىق شىعىندى وتەۋگە مىندەتتەلدى. بۇدان بولەك, ولار 22 ملن تەڭگە كولەمىندە مەملەكەتتىك باج سالىعىن جانە ارقايسىسى 698 مىڭ تەڭگەدەن سوت شىعىندارىن تولەۋى ءتيىس.