شىعىس قازاقستان وبلىسى, گلۋبوكوە اۋىلىندا كارىز قۇدىعىندا جۇرگىزىلگەن جۇمىستار كەزىندە ءۇش جۇمىسشى گازدان ۋلانىپ قالعان, دەپ حابارلايدى Egemen.kz.
وقيعا ورنىنا العاشقى بولىپ گلۋبوكوە اۋدانى توتەنشە جاعدايلار ءبولىمىنىڭ باستىعى كونستانتين بوروۆيكوۆ پەن اۋدان اكىمى اپپاراتىنىڭ تج جانە ازاماتتىق قورعاۋ سالاسى بويىنشا باس مامانى تەمىرلان كەڭەسقانوۆ جەدەل جەتكەن. ولار قاۋىپ-قاتەرگە قاراماستان قۇدىق ىشىنەن ەكى زارداپ شەككەن ازاماتتى سىرتقا الىپ شىققان.
قوناەۆتا كارىز-تازارتۋ جۇيەسىنىڭ قۇرىلىسىنا قانشا قارجى جۇمسالادى؟
تاعى ءبىر جۇمىسشى وزدىگىنەن قۇدىقتان شىعىپ ۇلگەرىپ, قۇتقارۋ قىزمەتىنە دەر كەزىندە حابار بەرگەن. مامانداردىڭ جەدەل ارەكەتىنىڭ ارقاسىندا زارداپ شەككەندەرگە العاشقى كومەك كورسەتىلىپ, جاعدايى تۇراقتاندىرىلدى.
كەيىن بارلىق زارداپ شەككەندەر شۇعىل تۇردە اۋداندىق ورتالىق اۋرۋحاناعا جەتكىزىلىپ, دارىگەرلەردىڭ باقىلاۋىنا الىندى.
شىعىس قازاقستانداعى ەڭ كوپ ىشىمدىك ىشەتىن ەلدى مەكەن اتالدى
توتەنشە جاعدايلار قىزمەتى مۇنداي جۇمىستار كەزىندە قاۋىپسىزدىك ەرەجەلەرىن قاتاڭ ساقتاۋدىڭ ماڭىزىن تاعى دا ەسكەرتەدى, ويتكەنى جابىق كەڭىستىكتە ۋلى گازداردىڭ جينالۋى ادام ومىرىنە ۇلكەن قاۋىپ توندىرەدى.