پاۆلودار وبلىسى اقسۋ قالاسىندا گاز باللونى جارىلىپ, ءۇش ادام زارداپ شەكتى. ولاردىڭ ءبىرى اۋىر حالدە جانساقتاۋ بولىمىندە جاتىر. قايعىلى وقيعا جەكەمەنشىك تۇرعىن ۇيلەردىڭ بىرىندە بولعان, دەپ جازادى Egemen.kz.
پاۆلودار وبلىستىق توتەنشە جاعدايلار دەپارتامەنتىنىڭ مالىمەتىنشە, 10 ليترلىك گاز باللونىنان گاز-اۋا قوسپاسى تۇتانىپ, ارتىنشا ءورت شىققان. الدىمەن ءۇيدىڭ دالىزىندەگى تۇرمىستىق زاتتار مەن جيھاز جانعان, كەيىن جالىن شاتىردىڭ اعاش قۇرىلىمدارىنا تاراعان.
ماڭعىستاۋدا جانارماي بەكەتىندە جارىلىس بولىپ, جۇمىسشىنى كۇيىك شالدى
جارىلىس كەزىندە ءۇي ىشىندە ادامدار بولعان. وقيعا ورنىنا بىردەن جەدەل جاردەمنىڭ ءۇش بريگاداسى جىبەرىلىپ, اقسۋ قالالىق اۋرۋحاناسىنا 56 جانە 54 جاستاعى ەكى ايەل مەن 33 جاستاعى ەر ادام جەتكىزىلدى.
ششۋچينسكتەگى ءدامحانادا جارىلىس بولدى: 7 ادام قازا تاپتى
دەنساۋلىق ساقتاۋ باسقارماسىنىڭ حابارلاۋىنشا, 1970 جىلى تۋعان ايەلدىڭ دەنەسىنىڭ 50-55 پايىزى كۇيىپ, بەتى مەن دەنەسىن تەرميالىق كۇيىك شالعان. ول اۋىر جاعدايدا جانساقتاۋ بولىمىنە جاتقىزىلىپ, جاساندى تىنىس الۋ اپپاراتىنا قوسىلعان.
شاحتينسكىدەگى جارىلىس: پاتەردى قاساقانا ورتەدى دەگەن كۇدىككە ىلىنگەن ەر ادام ۇستالدى
ال 1972 جىلى تۋعان ايەلدىڭ قولى, اياعى جانە قۇلاق قالقاندارى كۇيگەن. ەر ادام قولىن كۇيىك شالعان. ولارعا مەديتسينالىق كومەك كورسەتىلگەننەن كەيىن, ەكەۋى امبۋلاتوريالىق ەمگە جىبەرىلدى.