قازاقستان ازاماتتارى تاياۋ شىعىس ەلدەرىندەگى بانكتەردە 1,9 مىڭنان استام ەسەپشوت بار ەكەنىن دەكلاراتسيالاعان. بۇل تۋرالى مەملەكەتتىك كىرىستەر كوميتەتى مالىمدەدى, دەپ حابارلايدى Egemen.kz.
ۆەدومستۆو مالىمەتىنشە, بۇل دەرەكتەر 2024 جىلدىڭ قورىتىندىسى بويىنشا 250.00 جانە 270.00 نىساندارىندا كورسەتىلگەن.
ەڭ كوپ شوت تۇركيادا تىركەلگەن – 890. بىرىككەن اراب امىرلىكتەرىندە 874 ەسەپشوت اشىلعان. سونىمەن قاتار يزرايلدە – 53, قاتاردا – 45, ساۋد ارابياسىندا – 16, يراندا – 12, وماندا – 8, يوردانيادا – 6, كۋۆەيتتە – 4, ليۆاندا – 2 شوت بار. ال يراك, مىسىر جانە باحرەيندە ءبىر-بىردەن ەسەپشوت تىركەلگەن.
تاياۋ شىعىستان قازاقستانعا: ستۋدەنتتەردەن وقۋ اۋىستىرۋ بويىنشا 500-دەن استام سۇرانىس ءتۇستى
جالپى العاندا, 2024 جىلدىڭ قورىتىندىسى بويىنشا ەل ازاماتتارى شەتەل بانكتەرىندەگى 7 082 ەسەپشوت تۋرالى ەسەپ بەرگەن. الايدا مەملەكەتتىك كىرىستەر كوميتەتى بۇل شوتتارداعى جالپى قارجى كولەمى تۋرالى اقپاراتتى جاريالاعان جوق.
ۆەدومستۆونىڭ حابارلاۋىنشا, 2024 جىلعا قاتىستى كامەرالدىق باقىلاۋ تالاپ قويۋ مەرزىمى اياسىندا جۇرگىزىلەدى. قازىرگى ۋاقىتتا قارجىلىق شوتتار تۋرالى كوپجاقتى كەلىسىم شەڭبەرىندە قوسىمشا مالىمەتتەر الۋ جۇمىستارى جالعاسىپ جاتىر.
تاياۋ شىعىستان ازاماتتاردى ەلگە قايتارۋ ءۇشىن قانشا قاراجات جۇمسالدى؟