قازاقستاندا كۇتىلەتىن ءومىر ءسۇرۋ ۇزاقتىعى تاريحي ەڭ جوعارى كورسەتكىشكە جەتىپ, 75,97 جاستى قۇرادى. بۇل – تاۋەلسىزدىك جىلدارىنداعى ەڭ جوعارى ناتيجە, دەپ حابارلايدى Egemen.kz دەنساۋلىق ساقتاۋ مينيسترلىگىنىڭ ءباسپاسوز قىزمەتىنە سىلتەمە جاساپ.
1991 جىلدان بەرگى دەموگرافيالىق دەرەكتەر ەل تۇرعىندارىنىڭ ءومىر ساپاسى مەن دەنساۋلىق كورسەتكىشتەرىندە ايتارلىقتاي وڭ وزگەرىستەر بار ەكەنىن كورسەتەدى. تاۋەلسىزدىكتىڭ العاشقى جىلىندا ورتاشا ءومىر ءسۇرۋ ۇزاقتىعى 67,6 جاس بولسا, 2001 جىلى – 65,6 جاس, 2011 جىلى – 68,98 جاس, ال 2021 جىلى – 70,23 جاس بولعان. وسىلايشا, سوڭعى ءۇش جارىم ونجىلدىقتا بۇل كورسەتكىش 8 جىلدان استام ۋاقىتقا وسكەن.
قازاقستاندا ءومىر ءسۇرۋ ۇزاقتىعى 75 جاستان استى
مامانداردىڭ ايتۋىنشا, ءومىر ءسۇرۋ ۇزاقتىعىنىڭ ارتۋىنا ينفەكتسيالىق ەمەس اۋرۋلارمەن كۇرەس باعىتىندا جۇرگىزىلىپ جاتقان جۇيەلى جۇمىستاردىڭ ىقپالى زور. 2025 جىلى قازاقستان دۇنيەجۇزىلىك دەنساۋلىق ساقتاۋ ۇيىمىنىڭ ەۋروپالىق وڭىرىندە وسىنداي اۋرۋلاردان بولاتىن ءولىم-ءجىتىمدى 25%-عا تومەندەتكەن ەلدەردىڭ العاشقى وندىعىنا ەندى. بۇل – ددۇ-نىڭ ەۋروپالىق جۇمىس باعدارلاماسىنداعى ماڭىزدى كورسەتكىشتەردىڭ ءبىرى.
جالپى, دەنساۋلىق ساقتاۋ جۇيەسىن دامىتۋ, حالىقتىڭ ءومىر ءسۇرۋ ساپاسىن ارتتىرۋ جانە ءولىم-ءجىتىمدى ازايتۋعا باعىتتالعان مەملەكەتتىك شارالار ءوز ناتيجەسىن بەرىپ وتىر.
قازاقستاندا مەديتسينالىق كومەكتىڭ ساپاسىن باسقارۋدىڭ كەشەندى جوسپارى بەكىتىلدى
ۇكىمەتتىڭ جوسپارىنشا, 2029 جىلعا دەيىن دەنساۋلىق ساقتاۋ سالاسىن دامىتۋ تۇجىرىمداماسى اياسىندا كۇتىلەتىن ءومىر ءسۇرۋ ۇزاقتىعىن 77 جاسقا دەيىن جەتكىزۋ كوزدەلىپ وتىر.