شىعىس قازاقستان وبلىسى التاي اۋدانىندا پوليتسەيلەر ەڭ «ىشىمدىككە بەيىم» ەلدى مەكەندى اتادى, دەپ حابارلايدى Egemen.kz YK-news.kz سايتىنا سىلتەمە جاساپ.
زۋبوۆسك كەنتى – تۇرعىنداردىڭ ماس كۇيدە جاساعان قۇقىق بۇزۋشىلىقتار سانى بويىنشا كوش باستاپ تۇر.
«قىلمىستاردىڭ كوپشىلىگى الكوگولدىڭ اسەرىنەن جاسالادى. ماس كۇيىندە ادامدار ءوز-ءوزىن باقىلاۋدان ايىرىلادى, اگرەسسيا پايدا بولادى, بۇل ءجيى قۇقىق بۇزۋشىلىقتارعا اكەلەدى. الدىن الۋ جۇمىستارىنا قاراماستان, زاڭسىز ساۋدا فاكتىلەرى, ونىڭ ىشىندە ليتسەنزياسىز, ءتىپتى اۋلالاردان ساتۋ جاعدايلارى ءالى دە بار. بەلگىلەنبەگەن ۋاقىتتا ساتۋ بويىنشا 24 قۇقىق بۇزۋشىلىق جانە ليتسەنزياسىز ساتۋ بويىنشا تاعى 24 جاعداي انىقتالدى», دەدى التاي اۋداندىق پوليتسيا ءبولىمىنىڭ باستىعى دەنيس ەريمبەسوۆ.
التاي اۋدانى وبلىستا الكوگول تۇتىنۋ دەڭگەيى بويىنشا قولايسىز وڭىرلەردىڭ ءبىرى سانالادى. ال زۋبوۆسك اۋىلدىق ەلدى مەكەندەر اراسىندا بەيرەسمي تۇردە ەڭ «ىشىمدىككە بەيىم» بولىپ ەسەپتەلەدى.
سونىمەن قاتار وڭ مىسالدار دا بار. ەرماكوۆكا اۋىلى 2025 جىلدىڭ باسىندا الكوگولدەن رەسمي تۇردە باس تارتىپ, «ىشىمدىكسىز اۋىل» مارتەبەسىن ساقتاپ كەلەدى. ءبىر جىل ىشىندە مۇندا بىردە-ءبىر قۇقىق بۇزۋشىلىق تىركەلمەگەن.
2026 جىلى «ىشىمدىكسىز اۋىل» جوباسىنا تاعى ءبىر ەلدى مەكەن – 74 تۇرعىنى بار سەلەزنيوۆكا ستانتسياسى قوسىلدى.
امانگەلدى اۋىلى 15 جىلدان بەرى ىشىمدىكسىز ءومىر سالتىن ۇستانىپ كەلەدى
پوليتسيانىڭ مالىمەتىنشە, الكوگولدى شامادان تىس تۇتىناتىن ادامدارمەن جۇمىس تۇراقتى تۇردە جۇرگىزىلەدى. مۇنداي ازاماتتار ۋاقىتشا بەيىمدەۋ ورتالىعىنا جەتكىزىلىپ, مەديتسينالىق تەكسەرۋدەن وتەدى. 2025 جىلى بۇل مەكەمەدەن ءۇش مىڭنان استام ادام وتكەن. ال 16 تۇرعىن سوت شەشىمىمەن ءماجبۇرلى تۇردە ەمدەلۋگە جىبەرىلگەن.
سولتۇستىك قازاقستان وبلىسىندا تاعى ءبىر اۋىل ىشىمدىكتەن باس تارتتى