قازاقستان-قىتاي شەكاراسىنداعى اۆتوكولىك وتكىزۋ بەكەتتەرى قىتايداعى تسينمين مەرەكەسىنە بايلانىستى 5 ساۋىردە جۇمىسىن ۋاقىتشا توقتاتتى. بۇل تۋرالى رف كەدەن قىزمەتىنىڭ قازاقستانداعى وكىلدىگى حابارلادى, دەپ جازادى Egemen.kz.
ەرەكشە جاعداي رەتىندە تەك «دوستىق» جانە «التىنكول» تەمىرجول وتكىزۋ بەكەتتەرى قالىپتى رەجيمدە جۇمىسىن جالعاستىرادى.
جابىلاتىن اۆتوكولىك وتكىزۋ بەكەتتەرى:
«باقتى» (اباي وبلىسى), «مايقاپشاعاي» (شىعىس قازاقستان وبلىسى), «دوستىق» جانە «نۇر جولى» (جەتىسۋ وبلىسى), «قولجات» (الماتى وبلىسى).قىتايمەن شەكارا ارقىلى ءوتۋدى جوسپارلاعان ازاماتتارعا, سونىڭ ىشىندە تۋريستەر مەن تاسىمالداۋشىلارعا ۋاقىتشا شەكتەۋلەردى الدىن الا ەسكەرۋ ۇسىنىلادى.
ايتا كەتەيىك, تسينمين مەرەكەسى – قايتىس بولعانداردى ەسكە الۋ كۇنى, بيىل 5 ساۋىرگە سايكەس كەلەدى. بۇل قىتايداعى ءداستۇرلى مەرەكە, ادامدار قايتىس بولعانداردى ەسكە الىپ, اتا-بابالارىنا قۇرمەت كورسەتەدى. مەرەكەلىك دەمالىس كۇندەرى ادامدارعا جۇمىستان جانە وقۋدان ازداپ دەمالىپ, بەلسەندى دەمالىسقا جانە كورىكتى جەرلەرگە بارۋعا مۇمكىندىك بەرەدى.