پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين القا مۇشەسى – ەۋرازيالىق ەكونوميكالىق كوميسسيانىڭ باسەكەلەستىك جانە مونوپولياعا قارسى رەتتەۋ ءمينيسترى ماكسيم ەرمولوۆيچپەن كەزدەستى.
كەزدەسۋ بارىسىندا تاراپتار باسەكەلەستىك پەن مونوپولياعا قارسى رەتتەۋ سالاسىنداعى ءوزارا ءىس-قيمىل ماسەلەسىن كەڭىنەن تالقىلادى. جۇيەلى ءوزارا ءىس-قيمىل قۇرۋ, ۇزدىك تاجىريبەلەردى ۇيرەنۋ مەن سالالىق ورگاندار اراسىنداعى ىنتىماقتاستىقتى دامىتۋ ءتاسىلى قارالدى.
«مەملەكەتتىك ساتىپ الۋدى تسيفرلاندىرۋ, باسەكەلەستىكتى دامىتۋ جانە ەاەو نارىعىنا تەڭ قول جەتكىزۋ ءبىزدىڭ ءوزارا ءىس-قيمىلىمىزدىڭ نەگىزگى باعىتى بولىپ قالا بەرەدى. كەدەرگىلەردى جويۋعا جانە بيزنەستىڭ مۇمكىندىگىن ارتتىرۋعا ارنالعان جۇيەلى جۇمىستى قۇرۋ ماڭىزدى», دەپ اتاپ ءوتتى س.جۇمانعارين.
مەملەكەتتىك ساتىپ الۋ شەڭبەرىندە ءوزارا تاۋار جەتكىزۋدى ارتتىرۋ, سونداي-اق ەاەو-عا مۇشە مەملەكەتتەر ونىمدەرىنىڭ وداق ەلدەرىنىڭ نارىعىنا شىعۋىنا ەرەكشە نازار اۋدارىلدى. وسى جونىندەگى ءوزارا ءىس-قيمىل تەتىگىن ودان ءارى جەتىلدىرۋدىڭ ماڭىزدىلىعى اتاپ ءوتىلدى. سونداي-اق الداعى V ەۋرازيالىق ەكونوميكالىق فورۋم شەڭبەرىندە باسەكەلەستىك جانە مونوپولياعا قارسى رەتتەۋ تۋرالى بلوكتىڭ ءىس-شارالارىن دايىنداۋ مەن وتكىزۋ ماسەلەسى اياسىندا پىكىر الماستى. اتاپ ايتقاندا, مەملەكەتتىك ساتىپ الۋدى تسيفرلاندىرۋ مەن جاساندى ينتەللەكت تەحنولوگياسىن پايدالانۋ, باسەكەلەستىك ساياساتتا زاماناۋي قۇرالداردى قولدانۋ ماسەلەسىنە ارنالعان تاقىرىپتىق سەسسيالار تالقىلاندى.
«ەۋرازيالىق ەكونوميكالىق فورۋم – بىرەگەي الاڭ. حالىقارالىق ۇيىمداردىڭ, بريكس, ەىدۇ ارىپتەستەرىن شاقىرا وتىرىپ, تاقىرىپتىق سەكتسيالاردىڭ مازمۇنىن مولايتۋ ماڭىزدى. بىزدە جىل سايىن ەۋرازيالىق مونوپولياعا قارسى فورۋم وتكىزىلسە, باسەكەلەستىك قۇقىق بويىنشا ءبىلىم باعدارلامالارى دا جۇمىس ىستەيدى. بىلىكتىلىكتى ارتتىرۋ ماقساتىندا دا جۇيەلى جۇمىس قۇرىلعان. ءبىز ىنتىماقتاستىققا, تاجىريبە مەن اقپارات الماسۋعا ءازىرمىز», دەدى ۆيتسە-پرەمەر.
كەزدەسۋ قورىتىندىسىندا تاراپتار دەرەكتەر الماسىپ, ساراپتامالىق ءوزارا ءىس-قيمىلعا, كادرلىق الەۋەتتى دامىتۋعا, ىنتىماقتاستىقتى ودان ءارى نىعايتۋعا دايىن ەكەنىن راستادى.