وزىنە ۇنايتىن ءارى قولايلى كاسىپ تۇرىمەن اينالىسىپ جۇرگەن رايىمبەك اقكول ۇلى – اقتاۋداعى نازارباەۆ زياتكەرلىك مەكتەبىنىڭ تۇلەگى. ول جەكە دەتەيلينگ ورتالىعىن اشىپ, ولكە تۇرعىندارىن جۇمىسپەن قامتۋدى ءبىر جىل بۇرىن باستاعان.
2024 جىلى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىن «حيميا» ماماندىعى بويىنشا تامامداعان رايىمبەك ماماندىعىنىڭ قىزمەت كورسەتۋ سالاسىنا قاجەتتىلىگىن اڭعاردى. 2025 جىلى سەرىكتەسى باۋىرجان الدياروۆپەن اقتاۋداعى «ABS deteiling» حيميالىق تازالاۋ ورتالىعىنىڭ نەگىزىن قالادى.
جەكە كاسىپكەردىڭ ايتۋىن-شا,اقتاۋ قالاسىنىڭ جۇرگى-زۋشىلەرىنە حيميالىق تازالاۋ, كولىككە قورعانىس قاپتامالارىن جابىستىرۋ سۇرانىسقا يە. باستىسى – ساپالى قىزمەت كورسەتۋدى جولعا قويۋ كەرەك. ساپالى قىزمەت كورسەتۋدى, تۇتىنۋشىلارىنىڭ كوڭىلىنەن شىعۋدى جانە باسەكەلەستىككە توزىمدىلىكتى قالىپتاستىرۋدى ماقسات ەتكەن سەرىكتەس جىگىتتەر جان-جاقتى ىزدەنىسپەن جۇمىس ىستەۋدى ءجون سانايدى. ولار قازىر ون ادامعا تۇراقتى جالاقى تولەپ جۇمىسقا العان, الداعى جارتىجىلدىقتا تاعى دا 5-10 ادامدى جۇمىسپەن قامتىعىسى كەلەدى.
– ءبىز ءالى پايدا تابۋعا شىعا قويعان جوقپىز. بىراق قازىرگى ماقساتىمىز – قىزمەت كورسەتۋدى جوعارى دەڭگەيگە كوتەرىپ, قىزمەتكەرلەرىمىزگە قازاقستان رەسپۋبليكاسىنىڭ زاڭناماسىنا سايكەس تولىقتاي جالاقى تولەۋدى جولعا قويۋ. بۇيىرسا, ارىپتەستەرىمىزدىڭ قاتارىن كوبەيتىپ, ولكە ەكونوميكاسىنىڭ العا جىلجۋىنا ۇلەس قوسقىمىز كەلەدى, – دەيدى جاس كاسىپكەر.
كاسىبىن ەندى باستاعان جاس كاسىپكەردىڭ باستاماسى تۇتىنۋشىلاردىڭ كوڭىلىنەن شىعادى دەگەن سەنىمدەمىز.
ماڭعىستاۋ وبلىسى