استانادا 2026 جىلدىڭ العاشقى ءۇش ايىندا تۇتىنۋشىلاردان 3 مىڭنان استام ءوتىنىش ءتۇسىپ, ولاردىڭ ناتيجەسىندە 48,4 ملن تەڭگە قايتارىلدى, دەپ حابارلايدى Egemen.kz.
ەلوردانىڭ كوممۋنيكاتسيالار قىزمەتىندە وتكەن بريفينگتە استانا قالاسى ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتى باسشىسىنىڭ ورىنباسارى جانات اسانتاەۆ ۆەدومستۆونىڭ 2026 جىلدىڭ I توقسانىنداعى اتقارىلعان جۇمىستاردىڭ قورىتىندىلارىن باياندادى.
ونىڭ ايتۋىنشا, مەكەمە ىشكى ساۋدانى دامىتۋ جانە رەتتەۋ, سونداي-اق تۇتىنۋشىلاردىڭ قۇقىقتارىن قورعاۋ باعىتىندا مەملەكەتتىك ساياساتتى جۇزەگە اسىرىپ كەلەدى. وسى رەتتە ازاماتتاردىڭ وتىنىشتەرىن قاراۋ – نەگىزگى باسىمدىقتاردىڭ ءبىرى.
«2026 جىلدىڭ العاشقى ءۇش ايىندا دەپارتامەنتكە بارلىعى 3284 ءوتىنىش كەلىپ تۇسكەن. ونىڭ ىشىندە 3006 ءوتىنىش «ە-ءوتىنىش» پلاتفورماسى مەن ەلەكتروندىق ۇكىمەت پورتالى ارقىلى جولدانعان. تۇسكەن وتىنىشتەردىڭ 769-ى ءوز قۇزىرەتى شەگىندە باسقا مەملەكەتتىك ورگاندارعا جىبەرىلىپ, 433 وتىنىشكە تۇسىنىكتەمە بەرىلگەن, ال 1054 ءوتىنىش قاناعاتتاندىرىلدى. قابىلدانعان شارالار ناتيجەسىندە تۇتىنۋشىلارعا قايتارىلعان اقشالاي قاراجاتتىڭ جالپى سوماسى 48,4 ميلليون تەڭگەنى قۇراعان. بۇل كورسەتكىش رەسپۋبليكا بويىنشا جوعارى ناتيجەلەردىڭ ءبىرى سانالادى», دەدى ول.
جانات اسانتاەۆتىڭ ايتۋىنشا, حالىقپەن كەرى بايلانىس جۇمىستارى دا جۇيەلى تۇردە جۇرگىزىلىپ كەلەدى. ماسەلەن, Telegram-بوت ارقىلى 55 سۇرانىس قابىلدانىپ, تۇتىنۋشىلارعا ءتيىستى تۇسىنىكتەمەلەر بەرىلگەن. سونداي-اق, ازاماتتاردى جەكە قابىلداۋ بارىسىندا 116 ازاماتتىڭ ماسەلەسى تىڭدالىپ, جەدەل جەلى تەلەفونىنا 107 قوڭىراۋ تۇسكەن. ءاربىر ءوتىنىش بويىنشا زاڭ تالاپتارىنا سايكەس كەڭەس ۇسىنىلعان.
«سالالار بويىنشا تالداۋ كورسەتكەندەي, وتىنىشتەردىڭ باسىم بولىگى بولشەك ساۋدا سالاسىنا تيەسىلى – 619 ءوتىنىش. سونىمەن قاتار, ءبىلىم بەرۋ سالاسىندا – 420, مەديتسينالىق قىزمەت كورسەتۋ بويىنشا – 415, بايلانىس سالاسىندا – 311, ەلەكتروندىق ساۋدادا – 489 ءوتىنىش تىركەلگەن. بۇدان بولەك, تۇرمىستىق قىزمەت كورسەتۋ سالاسى بويىنشا 236, تۇرعىن ءۇي-كوممۋنالدىق شارۋاشىلىق سالاسىندا 101, قوعامدىق تاماقتاندىرۋ بويىنشا 71, تۋريستىك قىزمەتتەردە 49, كولىك قىزمەتىندە 24, قارجىلىق قىزمەت كورسەتۋ سالاسىندا 20 ءوتىنىش تۇسكەن. ال وزگە ساناتتاعى وتىنىشتەر سانى 529-دى قۇرادى», دەيدى سپيكەر.
وسى جىلدىڭ ءۇش ايىندا دەپارتامەنت 48 كاسىپكەرلىك سۋبەكتىسىنە تەكسەرىس جۇرگىزگەن. ناتيجەسىندە تۇتىنۋشىلاردىڭ قۇقىقتارى مەن زاڭدى مۇددەلەرىنىڭ بۇزىلۋ فاكتىلەرى انىقتالىپ, 48 كاسىپتىك سۋبەكتىسىنە ايىپپۇل سالىنعان.
تۇتىنۋشىلىق نەسيە نارىعىنداعى قاۋىپ: بەرەشەك كولەمى نەگە ءوسۋى مۇمكىن؟
تۇتىنۋشىلاردىڭ قۇقىقتارىن قورعاۋ ماقساتىندا حالىق اراسىندا ءتۇسىندىرۋ جۇمىستارى تۇراقتى جۇرگىزىلىپ كەلەدى. دەپارتامەنت ماماندارى ازاماتتارعا كەڭەس بەرىپ, تۇتىنۋ ساۋاتتىلىعىن ارتتىرۋعا باعىتتالعان جۇمىستاردى جۇزەگە اسىرۋدا. سونىمەن قاتار, الەۋمەتتىك جەلىلەردە اقپاراتتىق جاريالانىمدار تۇراقتى تۇردە ورنالاستىرىلىپ كەلەدى.
تۇتىنۋشىلاردىڭ وتاندىق ونىمگە سەنىمى ارتىپ كەلەدى – ساۋالناما