بيىلعى ءبىرىنشى توقسان قورىتىندىسى بويىنشا الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ ءوسۋ قارقىنى 3 ەسەگە تومەندەدى. بۇل تۋرالى پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعاريننىڭ توراعالىعىمەن وتكەن ينفلياتسيانى تۇراقتاندىرۋ جونىندەگى كەڭەستە ءمالىم بولدى, دەپ جازادى Egemen.kz.
كەڭەستە ۇسىنىلعان الدىن الا دەرەكتەرگە سايكەس, ناۋرىز ايىندا الەۋمەتتىك ماڭىزى بار ازىق-ت ۇلىك باعاسىنىڭ ورتاشا ءوسۋ يندەكسى 0,3% بولدى. ال وتكەن جىلدىڭ وسى كەزەڭىندە بۇل كورسەتكىش 0,9% ەدى. ياعني باعا ءوسىمى ايتارلىقتاي باياۋلاعان.
جالپى العاندا, ءبىرىنشى توقسانداعى باعا ءوسىمى 1,2% دەڭگەيىندە قالىپتاستى. بۇل 2025 جىلدىڭ وسى كەزەڭىندەگى 3,8% كورسەتكىشىنەن 3 ەسە تومەن. ساراپشىلار مۇنى باعا ديناميكاسىنىڭ تۇراقتى تۇردە باياۋلاپ كەلە جاتقانىنىڭ بەلگىسى دەپ باعالاپ وتىر.
كەڭەستە تۇتىنۋ باعالارى يندەكسى حالىقارالىق ادىستەمە بويىنشا ەسەپتەلەتىنى اتاپ ءوتىلدى. ول 537 ءتۇرلى تاۋار مەن قىزمەتتى قامتيدى. باعا مونيتورينگى ەل بويىنشا 12 000-نان استام ساۋدا نىسانىندا جۇرگىزىلەدى. ال ىشكى ساۋدا جۇيەسىندە 760 000-عا جۋىق كاسىپكەرلىك سۋبەكتىسى جۇمىس ىستەيدى, ونىڭ ىشىندە 300 000-نان استامى ازىق-ت ۇلىك ونىمدەرىن ساتۋمەن اينالىسادى.
باعانىڭ نەگىزگى تومەندەۋى كوكونىس ونىمدەرى ەسەبىنەن تىركەلدى. اتاپ ايتقاندا:
قىرىققابات 1,9% ارزاندادى; قىزاناق 2,6% تومەندەدى; پياز 10,9% كەمىدى; قيار 22,6% ارزاندادى.جىل باسىنان بەرى قيار باعاسى جالپى 31,1% تومەندەگەن.
الەۋمەتتىك ماڭىزى بار تاۋارلار ساۋداسى زاڭمەن رەتتەلدى
ساۋدا جانە ينتەگراتسيا ءبىرىنشى ۆيتسە-ءمينيسترى ايجان بيجانوۆا نارىقتى وتاندىق ونىممەن قامتۋداعى وڭ وزگەرىستەردى جىلىجاي شارۋاشىلىقتارىن قولداۋ باعدارلاماسىمەن بايلانىستىردى.
«قازىرگى ۋاقىتتا مينيسترلىك ونەركاسىپتىك جىلىجايلارمەن قىزاناق پەن قيار باعاسىن تۇراقتاندىرۋ جونىندە مەموراندۋمدار جاساسۋ بويىنشا كەلىسسوزدەر جۇرگىزىپ جاتىر», دەدى ول.
2025 جىلدىڭ قورىتىندىسى بويىنشا ەلىمىزدەگى جىلىجايلاردىڭ جالپى اۋماعى 1,33 مىڭ گەكتاردى قۇراپ, ءبىر جىلدا 12,6 گەكتارعا ارتقان. اسىرەسە فەرمەرلىك جىلىجايلاردىڭ ۇلەسى ءوسىپ, 713,3 گەكتاردان 799,4 گەكتارعا دەيىن ۇلعايعان.
سونىمەن قاتار «قتج» ۇك» اق الەۋمەتتىك ماڭىزى بار ازىق-ت ۇلىك تاۋارلارىن جانە الەۋمەتتىك نانعا ارنالعان ۇندى تاسىمالداۋعا تەمىرجول تاريفتەرىن تومەندەتۋ ماسەلەسىن قاراستىرىپ جاتىر.
كوكتەمگى ماۋسىمدا باعانىڭ ءوسۋ ىقتيمالدىعىن ەسكەرە وتىرىپ, نارىقتاعى قورلار مەن يمپورت ماسەلەسى دە تالقىلاندى. قازىرگى تاڭدا تۇراقتاندىرۋ قورلارىنداعى ونىمدەر بەلسەندى ساتىلىپ جاتىر. اۋىل شارۋاشىلىعى مينيسترلىگىنىڭ مالىمەتىنە سايكەس, قورداعى قالدىق كولەمى جالپى قوردىڭ شامامەن 24% قۇرايدى.
الەۋمەتتىك ماڭىزى بار تاۋارلار تىزبەسى كەڭەيەدى
ناۋرىز ايىنىڭ باسىنان بەرى ىشكى نارىققا قىتايدان ەرتە پىسەتىن كوكونىستەر جەتكىزۋ جولعا قويىلعان. بۇگىنگە دەيىن 3200 توننا كارتوپ, 800 توننا ءسابىز جانە 14 توننا قىرىققابات اكەلىندى.
31 ناۋرىزدا ساۋدا كوميتەتى, وڭىرلىك الەۋمەتتىك-كاسىپكەرلىك كورپوراتسيالار, ءىرى ساۋدا جەلىلەرى, KTZ-Express جانە QazTrade وكىلدەرىنەن قۇرالعان دەلەگاتسيا وزبەكستاننىڭ وڭتۇستىك وڭىرلەرىنە ەرتە ءونىم ساتىپ الۋ ءۇشىن بارادى.
باعانىڭ تومەندەۋىنە ناۋرىز مەيرامى قارساڭىندا ۇيىمداستىرىلعان جارمەڭكەلەر دە وڭ اسەر ەتتى. ەل بويىنشا مەرەكە كۇندەرى 200-دەن استام جارمەڭكە ءوتتى. جىل باسىنان بەرى ولاردىڭ سانى 1,5 مىڭعا جەتتى.
ال «Nauryz sale» اكتسياسىنا 70% دەيىن جەڭىلدىك ۇسىنعان 300 ساۋدا سۋبەكتىسى قاتىسىپ, 4 ميلليوننان استام ادام قامتىلدى.
الەۋمەتتىك ماڭىزى بار تاۋارلار – باستى نازاردا