سينوپتيكتەر 2026 جىلعى 28 ناۋرىزعا ارنالعان قازاقستانداعى اۋا رايى بولجامىن جاريالادى, دەپ حابارلايدى Egemen.kz.
«قازگيدرومەت» رمك مالىمەتىنشە, كەڭ اۋقىمدى انتيتسيكلوننىڭ اسەرىنەن ەلدىڭ باسىم بولىگىندە جاۋىن-شاشىنسىز, تۇراقتى اۋا رايى ساقتالادى.
الايدا باتىس وڭىرلەردە اتموسفەرالىق فرونتتاردىڭ وتۋىنە بايلانىستى جاڭبىر جاۋىپ, نايزاعاي كۇتىلەدى. كەي جەرلەردە جاۋىن-شاشىننىڭ قارقىنى كۇشەيۋى مۇمكىن.
سونىمەن قاتار رەسپۋبليكا بويىنشا بىرقاتار قولايسىز اۋا رايى قۇبىلىستارى بولجانىپ وتىر. اتاپ ايتقاندا, كەي وڭىرلەردە تۇمان تۇسەدى, سولتۇستىكتە كوكتايعاق بولۋى ىقتيمال. باتىس, وڭتۇستىك, شىعىس جانە ورتالىق ايماقتاردا جەل كۇشەيەدى. ال باتىس پەن وڭتۇستىكتە شاڭدى داۋىل سوعۋى مۇمكىن.
ەلىمىزدىڭ باسىم بولىگىندە اۋا رايىنا بايلانىستى ەسكەرتۋ جاريالاندى