اقتوبە وبلىسىندا «اقتوبە – الماتى» باعىتىنداعى جولاۋشىلار پويىزىندا بولعان ادام ءولتىرۋ دەرەگى بويىنشا سوت ۇكىمى شىقتى. بۇل تۋرالى 27 ناۋرىزدا قازاقستاننىڭ باس كولىك پروكۋراتۋراسىنىڭ ءباسپاسوز قىزمەتى حابارلادى, دەپ حابارلايدى Egemen.kz.
قاداعالاۋ ورگانىنىڭ مالىمەتىنشە, قايعىلى وقيعا وتكەن جىلدىڭ قازان ايىندا قىزمەتتىك ساپار كەزىندە بولعان. پويىزدىڭ ءدامحانا ورنالاسقان ۆاگونىندا ءۇش ارىپتەس الكوگولدىك ىشىمدىك ىشكەن. وسىدان كەيىن ەكى ەر ادامنىڭ اراسىندا جانجال تۋىنداعان.
«ۆاگوننىڭ تامبۋرىندا جولاۋشىلاردىڭ ءبىرى ارىپتەسىنە بىرنەشە رەت پىشاق جاراقاتىن سالعان. العان جاراقاتتارىنىڭ سالدارىنان ول وقيعا ورنىندا كوز جۇمدى», دەپ حابارلادى باس كولىك پروكۋراتۋراسى.
سوت ايىپتالۋشىنى قىلمىستىق كودەكستىڭ 99-بابى 1-بولىگى بويىنشا كىنالى دەپ تانىپ, ونى 9 جىلعا باس بوستاندىعىنان ايىردى. ۇكىم زاڭدى كۇشىنە ەندى.
شىمكەنتتە بالالارىن قورلاعان اناعا سوت ۇكىمى شىقتى