جەلىدەگى ديپفەيك ۆيدەولاردا قارجىلىق مونيتورينگ اگەنتتىگى قىزمەتكەرىنىڭ بەينەسىن پايدالانىپ «جابىرلەنۋشى ينۆەستوردىڭ» جالعان وقيعاسى باياندالعان ۆيدەو تاراپ جاتىر, دەپ جازادى Egemen.kz.
قارجىلىق مونيتورينگ اگەنتتىگىنىڭ مالىمەتىنشە, ستسەناري بويىنشا, قاراجاتتى سالعاننان كەيىن كىرىستىڭ جوعارىلاپ جاتقانى كورسەتىلەدى. بىراق اقشانى الۋ ءۇشىن كوميسسيالار, سالىقتار جانە «تەكسەرىستەردى» تولەۋ تالاپ ەتىلەدى. بىرنەشە اۋدارىمنان كەيىن قاراجاتقا قول جەتكىزۋ بۇعاتتالادى.
ودان بولەك, بۇعاتتالعان اقشانى بانك جانە رەتتەۋشى ورگاندار ارقىلى الۋ مۇمكىندىگى ايتىلادى دا, قولدانۋشىعا كومەككە جۇگىنۋ ۇسىنىلادى. «تولىعىراق» باتىرماسى «حالىق زاڭگەرى» دەپ اتالاتىن چاتقا اپارادى, وندا قاراجاتتى قايتارۋ تۋرالى جالعان حات الماسۋ كورسەتىلەدى.
چەكتى كاسسادا قالدىرماڭىز: مەملەكەتتىك كىرىستەر كوميتەتى الاياقتىقتىڭ جاڭا ءتۇرى تۋرالى ەسكەرتتى
سونىمەن قاتار الاياقتار اگەنتتىك اتىنان جالعان سايتتار جاساپ, وندا «جابىرلەنۋشىلەردىڭ اقشاسىن قايتارۋ» تۋرالى اقپارات جاريالاعان.
«سىلتەمەگە ءوتۋ كەزىندە پايدالانۋشىلاردان ساۋالنامانى تولتىرۋ سۇرالادى (مىسالى, «اقشاڭىزدى قانشا ۋاقىت بۇرىن جوعالتتىڭىز؟» دەگەن سۇراققا جاۋاپ بەرۋ). كەيىن جەكە مالىمەتتەر – اتى-ءجونى, تەلەفون ءنومىرى, ەلەكتروندىق پوشتا ەنگىزىلىپ, «قايتارۋ پروتسەسىن باستاۋ» باتىرماسىن باسۋ ۇسىنىلادى», دەپ تۇسىندىردى قارجىلىق مونيتورينگ اگەنتتىگى.
بيبىگۇل جەكسەنباي: الاياقتىقتان زارداپ شەككەندەردى قورعاۋ جۇيەسىندە ولقىلىقتار كوپ
اگەنتتىك وسى سيپاتتاعى سايتتار مەن چاتتار اقشانى يەمدەنۋگە باعىتتالعان جالعان ارەكەت ەكەنىن حابارلاپ وتىر.
ال اقپاراتتىڭ شىنايىلىلىعىن تەكسەرۋ ۇشىن قارجىلىق مونيتورينگ اگەنتتىگىنە نەمەسە ءوزىڭىزدىڭ تۇرعىلىقتى جەرىڭىزدەگى ەكونوميكالىق تەرگەپ-تەكسەرۋ دەپارتامەنتىنە حابارلاسۋعا بولادى.