28 ناۋرىز كۇنى ەلىمىزدىڭ بارلىق وڭىرلىك, قالالىق جانە وبلىستىق ونكولوگيالىق ورتالىعىندا بىرىڭعاي اشىق ەسىك كۇنى وتەدى. بۇل كۇنى مەديتسينالىق مەكەمەلەر كەلۋشىلەردى تەگىن تەكسەرەدى, دەپ جازادى Egemen.kz.
دەنساۋلىق ساقتاۋ مينيسترلىگى ءىس-شارا ونكولوگيالىق سىرقاتتانۋ مەن ءولىمدى تومەندەتۋ, سونداي-اق حالىققا مامانداندىرىلعان مەديتسينالىق كومەكتىڭ قولجەتىمدىلىگىن ارتتىرۋ جونىندەگى مەملەكەتتىك ساياساتتى ىسكە اسىرۋ شەڭبەرىندە ۇيىمداستىرىلىپ وتىرعانىن حابارلادى.
بىرىڭعاي اشىق ەسىك كۇنى ونكولوگ دارىگەرلەر ازاماتتاردى ۋچاسكەلىك دارىگەردىڭ جولداماسىنسىز جانە الدىن الا جازىلماعانداردى دا تەگىن قابىلدايدى.
عالىمدار ونكولوگيالىق اۋرۋلاردىڭ الدىن الۋعا ارنالعان قوسپا ازىرلەپ جاتىر
اشىق ەسىك كۇنىندە ونكولوگيالىق اۋرۋلاردىڭ پروفيلاكتيكاسى جانە ەرتە دياگنوستيكاسى بويىنشا كونسۋلتاتسيا بەرىلىپ, اۋرۋدىڭ العاشقى بەلگىلەرى تۇسىندىرىلەدى. سونداي-اق دياگنوستيكا مەن ەمدەۋدىڭ زاماناۋي ادىستەرى تۋرالى اقپارات ۇسىنىلادى.
مەديتسينالىق تەكسەرۋدەن وتۋگە نيەتتى بارلىق كەلۋشىلەر وزىمەن بىرگە جەكە كۋالىك پەن بار بولعان جاعدايدا بۇرىن جۇرگىزىلگەن تەكسەرۋلەردىڭ ناتيجەلەرىن (ۋدز, كت, مرت, مەديتسينالىق قورىتىندىلار) الىپ بارۋى ءتيىس.
دارىگەرلەر جي كومەگىمەن ينسۋلت پەن ونكولوگيالىق اۋرۋلاردى ەرتە انىقتاپ جاتىر